«Men sizderge kóńil aıtý úshin arnaıy keldim. Ekinshiden, jan-jaqty kómek kórsetiletinin aıtýǵa keldim. Qarjylaı da, basqa da kómek kórsetiledi. Balalar balabaqshaǵa, JOO-ǵa ornalastyrylady – bári oryndalady. Men, árıne, sizdermen birgemin. Sizder – elimizdiń azamatysyzdar. Men sizder úshin jaýaptymyn. Men Memleket basshysy retinde bolǵan jaǵdaı úshin keshirim suraımyn. О́te aýyr jaǵdaı ekenin túsinemin. Asyraýshylaryńyzdy, otaǵasyn, eń jaqyn týystaryńyzdy joǵalttyńyzdar. О́kinishke qaraı, ómirde mundaı qaıǵyly jaıttar bolady. Muny aqtaıtyn eshqandaı sebep joq. Taǵy da aıtamyn. Moraldyq jáne materıaldyq kómek kórsetiledi», dedi Memleket basshysy Abaı oblysyndaǵy alapat órtten kóz jumǵan ormanshylardyń jaqyndarymen kezdesý barysynda.
Sonymen qatar Prezıdent barlyq qajettilikterdiń tizimi jasalyp, máseleler sheshilip, ótinishterdiń barlyǵy oryndalatynyn aıtty.
«Zardap shekken barlyq otbasyǵa jeke járdemaqy taǵaıyndalady. Men sizderge ýáde beremin. Prezıdent janynan arnaıy qor qurylady. Zardap shekkenderge jeke kómek kórsetemin», dedi Qasym-Jomart Toqaev.
