Elordalyq Dastan Ordabaı velotrekten 4 birdeı qashyqtyqta júldege ilikti.
Oǵan qosa taǵy bir qazaqstandyq Ámir Alpamys júzý boıynsha baǵyn synaǵan edi. Qos sportshyny Astana áýejaıynan dostary, týystary men sport salasynyń mamandary kútip aldy.
Osylaısha komandalyq esepte Qazaqstan velokomandasy Virtus Global Games 2023 halyqaralyq oıyndarynda, II3 (aýtızm) sanatyndaǵy qatysýshylar arasynda 2-orynǵa ıe boldy.
Aıtýly dodada 60 elden kelgen 1 000-nan astam sportshy 7 kún boıy sporttyń 13 túrinen synǵa tústi.
Buǵan deıin habarlaǵandaı, dúbirli dodada Qazaqstan sporttyń júzý jáne trek velojarysy túrimen alǵash ret Astanalyq ASB (aýtızm spektriniń buzylýy) sındromy bar eki sportshy qatysty. Olar – II3 sanatyndaǵy Dastan Ordabaı men Ámir Alpamys.
Endi aldaǵy ýaqytta qazaqstandyq sportshylar aıtýly alamanǵa turaqty túrde qatysýdy josparlap otyr. Buǵan qosa, el namysyn qorǵaıtyndardyń qataryn birtindep arttyrý da kózdelip otyr.
Aıta ketsek, «Virtus Global Games 2023» ıntellektýaldy damý erekshelikteri bar tulǵalar úshin ótkiziledi. Bul dúnıejúzilik oıyndar tórt jylda bir ret ótkiziledi. Qazirgi ýaqytta Virtus uıymyna 90 memleket kiredi.
