Foto kollaj: uaqyt.info
«Sizderge bir sumdyqty aıtaıyn, Almaty oblysy Qarasaı aýdany Shalqar aýylynda Lomonosov atyndaǵy 250 balaǵa arnalǵan orta mektep bolǵan. Sońǵy jyldary tolyǵymen kapıtaldy remont jasaldy, jańadan sport zalyn salyp berdi. Aýyl balalary qýanyp júrgende sol aýyldyń mektebin jekeniń qolyna satyp jibergen. Kim satady? Árıne, ákimdikten basqa kim satady?! Ol bireýden alǵan, 15 mln teńgege satqan, odan tizbektelip, ári qaraı 80 mln teńgege basqa bireýge satqan. Bul máseleni Prokýratýraǵa aıtyp, qaıda qarap otyrǵanyn suradym. Olar shamamyz kelmeıdi, sot shaǵymymyzdy qabyldamaıdy dep otyr», dedi depýtat.
Sodan keıin Qarasaı aýdanynyń ákimi Jasulan Estenov 15 mıllıon teńgege satylyp ketken mektepke baılanysty sotqa aryz túskenin alǵa tartqan.
«Áleýmettik jelilerde talqylanyp jatqan Shalqar aýylyndaǵy M.Lomonosov atyndaǵy mektebiniń eski ǵımaraty 2018 jyly 15 224 000 teńgege satylǵan. Bul ǵımaratty memlekettiń quzyryna qaıtarý úshin meniń tapsyrmama sáıkes 2023 jyldyń 9 naýryzy kúni Almaty oblysynyń mamandandyrylǵan aýdanaralyq ákimshilik sotyna talap aryz joldandy. Qosymsha Qarasaı aýdandyq prokýratýrasy tarapynan Shalqar orta mektebiniń eski ǵımaraty boıynsha qaýlylardyń kúshin joıýǵa talap aryz berildi. 25 mamyr jáne 2 maýsymda sot otyrystary ótti. Aıtaıyn degenim, qurmetti aýdan turǵyndary, bul jumysty biz úsh aı buryn qolǵa alǵanbyz. Zańǵa sáıkes, memleketke qaıtaryp, el ıgiligine paıdalanamyz», dedi Jasulan Estenov.
Aýdan ákimi sot nátıjesinde mekteptiń memleketke qaıtarylǵanyn rastady.
«Bul másele boıynsha biraz sottastyq. 8 maýsym kúni mektepti satyp alǵan adam óz erkimen ǵımaratty memleketke qaıtardy», dedi J.Estenov.
