Áýe qatynasynda halyqaralyq talaptarǵa saı mamandar jetkiliksiz

«Egemen Qazastan» gazetiniń tilshisi Sándibek Asanáli «Ushqysh bolý ońaı ma?» maqalasynda halyqaralyq talapqa saı maman daıarlaýǵa qatysty másele qozǵady. 

Avtordyń jazýynsha, kadr daıarlaýǵa baılanysty 90 suraq bolsa, onyń naqty 20-sy akademııanyń jumysyna qaraıdy. Demek, osy talaptyń júıeli oryndalýyn da el ekimeti qadaǵalaıdy.  

«Búginde biz IKAO-nyń ózimizge júk­telgen talabyna saı maman daıarlaýy­myz qajet. Atalǵan uıymǵa 192 memle­ket­ qaraıdy. Sonyń ishinde biz de áýe qa­ty­nasyn Eýropa standarttaryna saı úılestirmesek bolmaıdy. Biz 2016 jyldan beri osy talapqa saı bolýymyz kerek dep mejeli mindet qoıdyq. Bizdegi áýe kompanııalar Eýropa talabyna saı jumys isteıdi. Bul degenińiz biz de akademııa túlekterin halyqaralyq talapqa saı daıarlaýymyz kerek degendi uqtyrady. Endi akademııa ne istep jatyr, degen suraqqa toqtalaıyq. Bizdiń qujattarymyz, oqýlyqtarymyz Eýropa tájirı­besinen alynǵan. Stýdentterdi talap­­qa saı oqytamyz. Biraq «Air Astana»­ áýe kompanııasy ushqyshtardy daıar­­­­laý úshin sol Eýropa odaǵynyń aýdı­­­tyna ótý týraly talap qoıady. Al oǵan ótý­ge birinshi ýaqyt, ekinshi qarajat kerek», deıdi Azamattyq avıasııa akademııasynyń rektory Beken Seıdahmetov.

Bul burynnan bar másele. Mysaly, 2012 jyly eli­miz «Eýropa talabyna sáıkes maman daıar­laý kerek» dep urandatqan edi. Nátıjesinde oqý ornynyń basshylyǵy 2015 jyly akademııanyń materıaldyq-tehnı­­ka­lyq bazasyn jańǵyrtýǵa Úki­met­­ten 3,5 mlrd teńge qarajat sura­­ǵan. Kóp uza­maı akademııanyń joǵyn túgen­deý­ge 1,7 mlrd teńge qarjy bólinedi. Oǵan oqý-jattyǵýǵa arnalǵan 7 ushaq aly­nyp,onyń altaýy – bir motorly, bireýi – eki motorly ushaq bolsa, osyǵan qosa Boeing, Airbus jattyǵý trenajerleri de bar. Endi araǵa 7 jyl salyp osy máse­le qaıta qozǵalyp otyr.  О́ıtkeni bú­gin­gi daıarlaǵan ushqyshtardy «Air Astana», «SCAT» áýe kompanııalary moıyn­damaıdy. Ol úshin akademııa Eýro­pa­nyń ushý qaýipsizdik aýdıtin ótip, sertıfıkat alýy kerek.

Maqala avtorynyń pikirine sáıkes, túlekterdiń biliktiligi halyqaralyq talaptarǵa saı bolýy úshin akademııaǵa kemi ınstrýmentaldy úsh ushaq kerek. Akademııanyń balansyndaǵy qazirgi ushaqty tizgindegen ushqysh­tar vızýaldy, ıaǵnı tóńirektegi jaǵ­daıdy kózben baqylap ushady. Al áýe kompanııalaryna kúndiz de, túnde de ushatyn ushqyshtar kerek.