- Biz sizderge kómekteskenimizge qýanyshtymyz. Qazirgi ýaqytta sý, jaryq, jol bolýy úshin ınfraqurylym mańyzdy ekenin túsinemiz. Sonda ǵana aýyldy jerde ómir súrý áldeqaıda qolaıly bolady. Sizder óńirimiz úshin zor jumys atqaryp júrsizder – mal ósirip, azyq-túlik daıyndaısyzdar. Sizderdiń aýyz sýǵa muqtaj ekendikterińizdi bilgennen keıin qarap otyra almadyq, - dedi «ArselorMıttal Temirtaý» AQ Bas dırektory Vladımır Iаblonskıı jergilikti turǵyndarǵa.
Uńǵymany burǵylaý – «ArselorMıttal Temirtaý» kompanııasy óz moınyna alǵan jumystyń bireýi ǵana. Buǵan qosa, osynda mal kirmeýi úshin bir aı ishinde qorshaý ornatý, elektr berý jelisin jetkizý, sorǵyny ornatý, aýyz sý shúmegi shyǵarylatyn modýldik ǵımaratty salý josparlanyp otyr. Sýdy úılerge jetkizý máselesi de talqylaný ústinde.
Memleket basshysy 2025 jylǵa deıin el turǵyndaryn sapaly aýyz sýmen tolyq qamtamasyz etý mindetin qoıdy. Bizdiń aýdanda ortalyqtandyrylǵan sý joq 20-dan astam eldi meken bar, solardyń biri – Jańajol aýyly edi. Turǵyndar atynan «ArselorMıttal Temirtaý» kompanııasyna úlken alǵys aıtamyn. Sizder bıznestiń áleýmettik jaýapkershiligin is júzinde kórsetip otyrsyzdar. Kompanııamen jasalǵan memorandým aıasynda biz aýdan úshin kóptegen paıdaly jobany iske asyratynymyzǵa senimdimin, - dedi Qarqaraly aýdanynyń ákimi Erlan Qusaıyn. 
Jańajoldy aýyz sýmen jabdyqtaý jobasymen «ArselorMıttal Temirtaý» AQ-nyń «О́rken» JShS-niń mamandary aınalysyp júr. Olar bıylǵy mamyr aıynda 19 metrlik uńǵymany burǵylaýǵa kirisip, jumysty 10 kún ishinde aıaqtady.
- Qarqaraly óńirinde Kentóbe kenishi ornalasqan, onda 420 adam eńbek etedi, onyń 90 paıyzy – jergilikti turǵyndar. «ArselorMıttal Temirtaý» AQ-nyń aýdanǵa kórsetken kómegi – shyntýaıtynda, óz qyzmetkerlerine kórsetken kómegi. Kompanııa adamdardyń turmysyn jaqsartýǵa múddeli, - dedi «О́rken» JShS «О́rken-Kentóbe» ókildiginiń dırektory Leontıı Rýsanov. 
Uńǵymanyń debıti – saǵatyna 43 tekshe metr. Qarqaraly aýdanynyń Turǵyn úı jáne kommýnaldyq sharýashylyq bóliminiń málimetine qaraǵanda, Jańajol aýyly úshin qajetti sý kólemi táýligine 40 tekshe metrdi quraıdy. Iаǵnı, jańa uńǵymanyń qýaty eldi mekenniń tutyný mólsherinen birneshe ese kóp. Qazir sýdyń sapasyna saraptama júrgizilip jatyr.
Jergilikti turǵyndar birneshe jyl boıy járdem surap, talaı tabaldyryqty tozdyrǵan edi. Aqyry olardyń týǵan aýylyna da aýyz sý keldi.
- Jańa ákim taǵaıyndalǵan soń ǵana seń ornynan qozǵaldy. Ol osynda úsh ret arnaıy kelip, jumystyń qalaı júrgizilip jatqanyn tekserdi. Endi biz taldaý nátıjelerin kútemiz. Biraq sýdy urttap kórgen soń-aq ol biz iship júrgennen áldeqaıda jaqsy dep uıǵardyq. Qarqaraly aýdanynyń ákimi men «ArselorMıttal Temirtaý» kompanııasyna bizdiń armanymyzdy oryndaǵany úshin kóp rahmet! - dedi aýyl aqsaqaly Táýlet Terlikbaev.
