Abaı oblysyndaǵy órtke baılanysty elimizdiń túpkir-túpkirderinen eriktiler azyq-túlik pen qajetti zattardy jetkizip jatyr. Jergilikti ákimdiktiń málimetinshe qazir jaǵdaı turaqtalǵandyqtan, azyq-túlik tolyq jetkilikti.
«Qurmetti jerlester, TJ kezinde Abaı oblysyna kómek qolyn sozǵandardyń barlyǵyna rahmet. Bizdiń oblysymyzdyń árbir aýdany, elimizdiń árbir oblysy qol ushyn sozyp, bizge kómek kórsetti. Búgin órttiń beti qaıtqan kezde barshańyzǵa úlken alǵysymyzdy bildiremiz jáne azyq-túlik pen birinshi kezekte qajetti zattardy qabyldaý toqtatylatynyn jarııalaımyz», dedi oblystyq máslıhat tóraǵasy Qýanysh Súleımenov.
Qalǵan azyq-túlik pen qajetti zattar muqtaj adamdarǵa taratylady.
«Ákelingenniń bári qoımalarda, bul máselemen «Aq Ertis» qory aınalysady. Barlyq ónimder tizimdememen qabyldanyp, beriledi. Jaqyn kúnderi bul azyq-túlikter órt sóndirýshiler men áskerılerge jetkiziledi. Eger qandaı da bir ónimder qalsa, arnaıy komıssııa bul ónimderdi Borodýlıha aýdanyna nemese balalar úıine taratady», dedi Qýanysh Súleımenov.
Gýmanıtarlyq kómekti jınaý men bólýdi úılestirýmen «Amanat» partııasy, eriktilerdiń Ulttyq jelisi, sondaı-aq «Aq Ertis» qoǵamdyq qory aınalysty. Búgingi tańda kómek kórsetý úshin arnaıy shotqa jeke jáne zańdy tulǵalardan 500 mln teńgeden astam qarajat túsken.
