«О́skeleń urpaqtyń tárbıesi – óte mańyzdy másele. Biz ulttyq biregeıligimizdi nyǵaıtýymyz qajet. Jalpy, dúnıe júzindegi ár ult – biregeı. Muny durys túsinýimiz kerek. Tabysqa jetý úshin josparymyz qol jetpes qııalǵa ne bolmasa jalań sózge emes, naqty iske negizdelýi kerek. Sonda ǵana onyń bári jurtqa túsinikti, anyq bolady. Iаǵnı, «Qaıtsek tabysty elge aınalamyz?» degen suraqtyń jaýaby aıqyn bolýǵa tıis», dedi Prezıdent.
Memleket basshysynyń aıtýynsha, adal azamatqa tán qasıetter árbir jastyń boıynan tabylýy kerek. Ulttyń jańa bolmysy bilim, ǵylym jáne mádenıet salasyn damytý arqyly qalyptasady. Osy úsh baǵytty rýhanı damý salasyndaǵy jumystyń myzǵymas úshtaǵany deýge bolady.
«Biz urpaq tárbıesine basa mán berip, jastardy jaqsylyqqa jeteleýimiz kerek. Búgingi ınternet dáýirinde bul ońaı sharýa emes. Ashyǵyn aıtsaq, qazir jas urpaq áleýmettik jeli arqyly tárbıe alyp jatyr. Balany durys baǵytqa buryp, jol kórsetip otyrmasaq, bul – óte qaýipti úrdis. Ǵalamtor arqyly jat dinı aǵymdardyń quryǵyna túsken jastar da bar. Urpaqtyń boıynda jaman ádet bolsa, bul – eń aldymen, úlkenderdiń kinási. Biz jastardy jahandanýdyń qaterli yqpalynan barynsha saqtaýǵa mindettimiz», dedi ol.
Osy rette ol urpaq tárbıesine yqpal etetin sharalarǵa basa mán berýimiz kerek ekenin aıtty.
«Bul salada kemshilikter kóp ekeni jasyryn emes. Mekteptegi tárbıe jumysy aqsap tur. Sońǵy kezde oqýshylardyń bir-birine qysym, zorlyq-zombylyq, álimjettik kórsetýi jıi bolyp ketti. Ony, tipti, beınetaspaǵa túsirip, áleýmettik jelige salý «sánge» aınaldy. Keıde balalardyń qatygezdigi jan túrshiktiredi. Otbasyndaǵy zorlyq-zombylyq qoǵamdaǵy taǵy bir keleńsiz jáne ózekti másele bolyp tur. Mundaı zańsyz áreket jasaǵandar mindetti túrde zań aıasynda tıisti jazasyn alýy kerek. Elimizdiń bolashaǵy otbasynda qalyptasady. Al, otbasy baqytty bolsa, elimizdiń keleshegi de jarqyn bolady.
Shyǵystyń uly ǵulamasy ál-Farabı tárbıesiz berilgen bilim – adamzattyń qas jaýy ekenin aıtqan. Bala tárbıesi – eń aldymen, ata-ananyń mindeti. Alaıda, keıde ata-analar durys tárbıe berýdiń ornyna ózderi jaǵymsyz úlgi kórsetedi. Balalardyń tártibine beıtarap, selqos qaraıdy, tipti, jaýapkershiliktiń bárin mektepke, muǵalimderge júkteıdi», dedi Q.Toqaev.
Osy rette ol memlekettiń eń basty baılyǵy – adam, ıaǵnı azamattar ekenin atap ótti. Sondaı-aq ata-analar balany memleket, Úkimet ne qoǵam úshin emes, eń aldymen, ózi úshin dúnıege ákeletinin aıtty. Sol sebepti árbir ata-ana sanaly urpaq ósirýge basa mán berýge tıis.
«Sol sııaqty mektep te – bilimniń ǵana emes, tálim-tárbıeniń ordasy. Balanyń boıyna bilimmen qatar adamgershilik qundylyqtardy sińirý – ustazdyń mindeti. Osyǵan oraı, balabaqshadaǵy jáne mekteptegi tárbıe isine bárimiz qoǵam bolyp mán berýimiz kerek, sondaı-aq, belsene atsalysýymyz qajet», dedi Prezıdent.
