Aktýarıı – qarjylyq qaýipsizdik, táýekelderdi baǵalaý jáne matematıkalyq turǵydan negizdelgen saqtandyrý, qarjylyq, ınvestısııalyq, áleýmettik jáne zeınetaqy shemalaryn ázirleý, saqtandyrý oqıǵalarynyń, aýrýlar men ólimderdiń, tabıǵı apattar men apattardan bolatyn zalaldardyń yqtımaldyǵyn anyqtaý maqsatynda statıstıkalyq taldaý mindetterin sheshetin aktýarlyq esep aıyrysý, ekonomıka jáne qarjy salasyndaǵy maman.
Kelisimniń maqsaty − «Narhoz» ýnıversıteti 20 jyl boıy iske asyryp kele jatqan jáne FIBAA halyqaralyq agenttiginiń qoldaýyna ıe bolǵan «qoldanbaly qarjy» baǵdarlamasy sheńberinde saqtandyrý sektorynyń bilikti aktýarıılerge degen qajettiligin qanaǵattandyrý. Sonyń arqasynda osy baǵdarlama túlekteriniń dıplomdary búkil eýropalyq joǵary bilim keńistiginde tanylady.
Qol qoıylǵan qujat sheńberinde agenttik qyzmetkerleri qatarynan kásibı mamandardyń dáris jáne praktıkalyq sabaqtar ótkizýge qatysýyn qamtamasyz etýge járdemdesetin jáne óndiristik praktıkadan ótý úshin oryndar beredi.
Saqtandyrý tólemderine kepildik berý qory aktýarıılerdi daıarlaýǵa jáne qaıta daıarlaýǵa múddeli qor aksıonerleri atynan úılestirýshi bolady.
Elimizdegi qarjy sektory mamandaryn daıarlap otyrǵan «Narhoz» ýnıversıteti prezıdenti Mıras Dáýlenov «Aktýarıı» bilim berý baǵdarlamasy boıynsha oqıtyn stýdentterdiń bolashaǵy zor ekenin jáne bul kelisim «Narhoz» ben qarjy retteýshisiniń yntymaqtastyǵynyń birinshi kezeńi ǵana ekenin atap ótti.
Shetelde aktýarıı mamandyǵy eń joǵary aqy tólenetin jáne bedeldi mamandyqtardyń birine jatady. Qazaqstanda saqtandyrý naryǵy damyǵan saıyn ekonomıkanyń saqtandyrý jáne qarjy sektorlarynda aktýarıı mamandyǵyna suranys artyp keledi. Aktýarııler ınvestısııalyq qyzmetter kórsetý, táýekelderdi baǵalaý, zeınetaqy jáne áleýmettik qamsyzdandyrý salasynda da suranysqa ıe.
Búgingi kúni naryqta 58 lısenzııalanǵan aktýarıı qyzmetin júzege asyryp júr.
Aktýarıı mamandyǵyn damytý jáne kadr sapasyn jaqsartý saqtandyrý sektorynyń turaqtylyǵy men ornyqtylyǵyn arttyrýǵa tikeleı áser etedi.
