Mádına Ábilqasymova quttyqtaý sózinde búginde «Narhoz» ýnıversıteti Qazaqstandaǵy jetekshi ekonomıkalyq ýnıversıtet ekenin atap ótti.
Ýnıversıtettiń oqý sapasy, ınklıýzıvti orta, túlekterdiń jumysqa ornalasýy jáne mansap boıynsha qol jetkizgen nátıjelerdi QS World University Rankings álemdik reıtıng agenttigi joǵary baǵalady.
Mádına Ábilqasymova atap ótkendeı, Qazaqstannyń qarjy sektory − ekonomıkadaǵy ınnovasııalardyń draıveri.
«Qazaqstan Respýblıkasynyń Prezıdenti Qasym-Jomart Kemeluly elimizdi aýqymdy saıası, áleýmettik-ekonomıkalyq jańǵyrtý júrgizý qajettiligi týraly jarııalady. Bul ekonomıkany túrlendirýge, shaǵyn jáne orta bıznesti damytýǵa, adam kapıtalyn damytýǵa jáne halyqtyń kiristerin arttyrýǵa baǵyttalǵan eleýli ınstıtýsıonaldyq jáne qurylymdyq reformalardy júrgizýdi talap etedi. Qazaqstan damýynyń strategııalyq maqsattaryna qol jetkizý úshin sapaly adam kapıtaly qajet. Búkil álemde aqyl men talant úshin básekelestik artyp keledi», dedi qarjy retteýshisiniń basshysy Mádına Ábilqasymova.
«Narhoz» ýnıversıteti jahandyq úrdisterdi basshylyqqa ala otyryp, el ekonomıkasy men qarjy naryǵy úshin kadrlar daıarlap otyr. 2020 jyldan bastap ýnıversıtet qabyrǵasynda «Qoldanbaly qarjy» baǵdarlamasy aıasynda mamandardy daıarlaý boıynsha Ulttyq Bankpen birlesip ázirlengen joba tabysty jumys istep jatyr. Baǵdarlama túlekteri qarjy naryǵynda joǵary suranysqa ıe. Qazirgi ýaqytta agenttik qatarynda «Narhozdyń» 170 túlegi jumys isteıdi, olardyń 56-sy basshylyq pozısııada.
Kezdesýde magıstratýranyń qarjy naryǵyna qatysýshylar tarapynan qarjylandyrylatyn baǵdarlamasy boıynsha qarjy sektory úshin mamandar daıarlaýǵa jańa granttyq baǵdarlama iske qosylatyny belgili boldy.
Agenttik, «Narhoz» ýnıversıteti jáne Saqtandyrý tólemderine kepildik berý qory arasynda «Aktýarıı» baǵdarlamasy boıynsha kadrlar daıarlaý jónindegi úshjaqty kelisimge qol qoıdy.
