Tusaýkeser kezdesýinde reseılik Polına Kýdermetovany oısyrata utqan jerlesimiz ekinshi kezeńde Donna Vekıchpen kúsh synasty. 28 shildede 27 jasqa tolǵaly otyrǵan Horvatııanyń ókili álemdik reıtıngte 21-oryndy ıelengen. Kezinde ol WTA týrnırlerin tórt ret utqan. Byltyr Aýstralııanyń ashyq birinshiliginiń shırek fınalyna deıin jetti. Iá, Rybakınanyń tabysy qarsylasynan áldeqaıda zor ekeni anyq. Soǵan qaramastan, 2 saǵat 14 mınýtke sozylǵan báseke 6:7, 6:3, 6:4 esebimen Vekıchtiń paıdasyna sheshildi. Dál osy týrnırde Anna Danılına tabysty óner kórsetip jatyr. Qytaılyq Sıýı Ifanmen jup qurǵan ol germanııalyq Laýra Zıgemýnd pen reseılik Vera Zvonarevadan basym túsip, shırek fınalǵa shyqty – 6:3, 6:1.
Germanııanyń Galle qalasyndaǵy ATR dodasyn Aleksandr Býblık tabysty bastady. Ol álemniń 14-raketkashysy, horvatııalyq Borna Chorıchti shań qaptyrdy – 6:3, 6:1. Keshe keshkisin kort qojaıyny Iаn-Lennard Shtrýffpen sheberlik baıqasty.
