Atalǵan fırmanyń kombaınyn soltústikte alǵash alǵandardyń biri – «Arqalyq» JShS. 1992 jyly alynǵan sol kombaın áli kúnge deıin jumys istep kele jatqan kórinedi. Bul týraly sharýashylyqtyń qazirgi basshysy Ashat Barlybaev aıtty. Otyz jyldan astam paıdalansa da, osy kombaın ár maýsymda 1 700 tonna astyq bastyrady eken. Al qazir Qyzyljar óńiriniń egis alqaptarynda Slaas-tyń bir myńnyń ústinde kombaıny júr.
2021 jyly bir top jýrnalıst Petropavldaǵy sehty aralap kórgenbiz. Nemis mamandary tóselgen asfalttyń óziniń minsiz bolýyn talap etken eken, aınala aınadaı jarqyraıdy. Al byltyr Petropavlǵa kelgen «Slaas Group» kompanııasy baqylaýshylar keńesiniń tóraǵasy Katrınoı Klaas-Mıýlhoızer sehtyń talapqa saı jasalǵanyn atap ótken. Jalpy, «Slaas» kompanııasy – álemdik aýyl sharýashylyǵy tehnıkalaryn óndirý naryǵynda bir ǵasyrdan artyq qyzmet etip keledi. Básekelesterine tótep bere alǵan úzdik kompanııa. Qazir onyń fılıaldary AQSh, Majarstan, Qytaı, Úndistan memleketterinde bar.
Qazaqstandaǵy qurastyrý zaýyty 2021 jyly iske qosylǵan, jobany iske asyrýǵa 4 mlrd teńgeden astam qarajat jumsaldy. Zaýyt úsh jylǵa jaqyn ýaqyt ishinde 700-den astam túrli tehnıka shyǵaryp, 54 mlrd teńgeniń ónimin óndirdi.
Jýyrda Petropavl qalasyna «Slaas Group» kompanııasynyń bas dırektory Iаn-Hendrık Mor bastaǵan germanııalyq delegasııa keldi. Delegasııa múshelerin oblys ákimi Aıdarbek Saparov qabyldap, ekijaqty yntymaqtastyqtyń barysy týraly aıtty. «Qazir bizdiń sharýalar «Qyzyljar» AEA ashylǵan fılıaldyń arqasynda germanııalyq tehnıkany burynǵyǵa qaraǵanda 30 paıyzǵa arzanyraq alýǵa qol jetkizdi. Osynyń ózi – úlken jetistik, degenmen biz baǵanyń budan da tómen bolyp, arzandaǵanyn qalaımyz. Ekijaqty yntymaqtastyqtyń odan ári órken jaıýyna múddelimiz», dedi Aıdarbek Seıpiluly.
Iаn-Hendrık Mor: «Baǵaǵa baılanysty, biz aldaǵy ýaqytta ony jetildirýge tyrysyp, barlyq nusqalardy qarastyratyn bolamyz», dedi.
Sóz sońynda sheteldik kompanııa basshysy oblys ákimin Germanııada ótetin aýyl sharýashylyǵy kórmesine qatysýǵa shaqyrdy.
Soltústik Qazaqstan oblysy
