Mádenıet jáne sport mınıstrligi málimeti boıynsha tizimge zergerlik buıymdar, IT jáne oıyn jasaý, mádenı mura, telebaǵdarlamalar, foto jáne dızaın, sáýlet jáne sán, mýzyka, kıno jáne anımasııa, sondaı-aq keıbir mádenı-demalys mekemeleri sııaqty is-sharalar kirdi.
Krıterııler barynsha jeńildetildi jáne halyqaralyq usynystarǵa sáıkes keltirildi.
Mınıstrlik kreatıvti ındýstrııa jeke kásipkerlikti memlekettik qoldaý sharalary qoldanylatyn ekonomıka sektoryna aınalatynyn aıtty.
«Mınıstrliktiń kreatıvti qoǵamdastyqpen jáne memlekettik organdarmen birlesken jumysynyń arqasynda Qazaqstanda alǵash ret kreatıvti ındýstrııany qarjylyq jaǵynan da, qarjylyq emes jaǵynan da qoldaý úshin quqyqtyq negiz paıda boldy. Bul úderis salanyń jańalyǵyna jáne tipti halyqaralyq deńgeıde biryńǵaı krıterıılerdiń bolmaýyna baılanysty belgili bir ýaqytty aldy. Memlekettik qoldaýdyń naqty sharalary saladaǵy jaǵdaıdy muqııat zerdelegennen keıin bıyl Úkimettiń qaraýyna usynylatyn bolady», dedi Mádenıet jáne sport vıse-mınıstri Erjan Erkinbaev.
