Gazet betinde jaryq kórgen «Jańa tarıf: tutynýshy turalap qalmasyn» maqalasynda avtor «Pavlodarenergo» AQ bas dırektorynyń birinshi orynbasary Vadım Lesınmen júzdesip, jylý men elektr energııasynyń qymbattaýyna qatysty suraq qoıdy.
Vadım Lesınniń aıtýynsha, bul qadam bilikti qyzmetkerlerdiń jumystan jappaı ketýiniń aldyn alyp, eńbek uıymyndaǵy óndiristik jáne ekonomıkalyq nátıjelerdi ulǵaıtýǵa, tutastaı alǵanda, aksıonerlik qoǵamnyń materıaldyq tartymdylyǵyn arttyrýǵa sep bolmaq. Onyń paıymynsha, kásiporyn iri ónerkásip oryndary shoǵyrlanǵan aýmaqta ornalasqandyqtan, eńbekaqyǵa mindetti túrde ındeksasııa jasalýy kerek.
«Qoldanystaǵy tarıfke engizilgen shyǵyndar búginde eńbekkerlerge tólenip kele jatqan jalaqyny jabýǵa da jetpeıtin kórinedi. Tarıftiń eńbekaqyǵa jumsalatyn bóligi ınflıasııa men energııa óndirýdiń ózindik quny artyp kele jatýyna baılanysty jyl saıyn ózektiligin joǵaltyp, búginde ol sapaly qyzmet kórsetýge qyrsyǵyn tıgize bastaǵan», deıdi energetıkter.
