Memleketke qaıtarylǵan orman qory ýchaskesiniń jalpy aýdany - 118,9 gektar.
«Jalpy quny 678 mln teńge bolatyn ýchaske memleket menshigine qaıtaryldy», dep habarlady Aqmola oblysy prokýratýrasynyń baspasóz qyzmeti.
Bul orman telimderi boıynsha 2016 jyldan bastap belgilengen maqsatqa saı paıdalanylmaǵany, jaldaý aqysy tólenbegeni anyqtaldy.
Sonymen qatar kásipkerler orman órtteri qaýpiniń joǵary dárejesine qaramastan, olardyń aldyn alý boıynsha is-sharalar júrgizbegen, órtke qarsy josparlar ázirlenbegen.
«Joǵaryda atalǵan mán-jaılar aýdan prokýratýrasynyń aktisi boıynsha aradaǵy sharttardy buzýǵa negiz boldy», delingen Aqmola oblysy prokýratýrasy baspasóz qyzmetiniń habarlamasynda.
2023 jyly 21 maýsymda Almaty qalasy ákimdigi Terrenkýrdaǵy sý aıdynynyń bir bóligin memleket menshigine qaıtarǵany belgili boldy. Bul týraly qala ákimi Erbolat Dosaev málim etti.
