Oblystyq prokýratýranyń úılestirýimen Taldyqorǵan qalasynda esirtki satý núktesin anyqtaý boıynsha arnaıy operasııany polıseıler UQKD qyzmetkerlerimen birlesip júrgizdi. Quqyq qorǵaý organdary 40 gramnan astam marıhýana satýǵa áreket etken 39 jastaǵy er adamdy ustady.
Kúdiktiniń turǵylyqty jerin tintý kezinde shamamen 27,5 keli kannabıs tektes esirtki tabyldy.
«Atalǵan derek boıynsha tergeý amaldary QR QK-niń 297-babyna sáıkes (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) júrgizilip jatyr. Kúdikti qamaýǵa alyndy», dedi Jetisý oblysy PD esirtki qylmysyna qarsy is-qımyl basqarmasynyń bastyǵy Murat Jumabaev.
