«Astana jańarý men jańǵyrýǵa jol ashty. Búginde Astana jan-jaqty ári qarqyndy damyp jatyr. Elordamyzdyń halyqaralyq bedeli artýda. Astana IýNESKO-nyń sheshimimen «Beıbitshilik qalasy» atandy. Bas qalamyzda kóptegen is-sharalar uıymdastyryldy. Eýropadaǵy qaýipsizdik jáne yntymaqtastyq uıymynyń sammıti, EKSPO halyqaralyq kórmesi ótti», dedi Memleket basshysy.
Sondaı-aq ol qazir Astana dinaralyq dıalog pen rýhanı dıplomatııanyń ordasy ekenin aıtty.
«Astanaǵa Rım papasy arnaıy kelgenin bilesizder. Kezinde asa mártebeli II Ioann Pavel qonaq boldy. Byltyr asa qadirli Fransısk keldi. Olar Qazaqstannyń álemdik rýhanııatty nyǵaıtýǵa qosqan úlesin joǵary baǵalady. Bizdiń ıgi bastamalarymyzǵa qoldaý bildirdi. Bul – biz úshin zor mártebe», dedi Prezıdent.
