«Bilim berý, densaýlyq saqtaý nysandary, mádenı-demalys mekemeleri, saıabaqtar men qoǵamdyq oryndar qalanyń barlyq turǵynyna birdeı qoljetimdi bolýǵa tıis. Ásirese, erekshe qajettiligi bar azamattarǵa arnalǵan qala ınfraqurylymynyń qoljetimdiligin arttyrý kerek. Bul baǵyttaǵy jumystardy áli de jetildire túsý qajet. Ony moıyndaýymyz kerek», dedi Memleket basshysy.
Osy rette ol elorda qala turǵyndaryna ǵana emes, elimizdiń barsha azamatyna mol múmkindik berip otyrǵanyn aıtty.
«Astanada álemdik deńgeıdegi klınıkalary bar medısınalyq klaster qalyptasty. Munda kúrdeli operasııalar jasalady, Qazaqstannyń ár aımaǵynan kelgen naýqastarǵa joǵary deńgeıde medısınalyq qyzmet kórsetiledi. Biz qala aýdandaryn damytý isindegi teńsizdikti josparly túrde joıýymyz kerek», dedi Q.Toqaev.
