Aıbek Smadııarov atalǵan shartqa 2022 jylǵy 22 jeltoqsanda Tashkent qalasynda eki memleket basshylary qol qoıǵanyn eske saldy. 2023 jylǵy 4 shildede Qazaqstan Respýblıkasy men О́zbekstan Respýblıkasy arasyndaǵy Qazaqstan-О́zbekstan memlekettik shekarasyn shegendeý týraly shart kúshine endi.
«Osy sharttyń kúshine enýi Qazaqstan men О́zbekstan arasyndaǵy memlekettik shekarany halyqaralyq-quqyqtyq shegendeýdiń 19 jyldyq prosesiniń tolyq aıaqtalýyn bildiredi», dedi Aıbek Smadııarov.
Bul oqıǵanyń aldynda Birlesken Qazaqstan-О́zbekstan shegendeý komıssııasy sheńberinde ótken kelissózderdiń 100 raýndy boldy. Uzyndyǵy 2357 km shekara syzyǵy 1301 shekaralyq belgimen belgilenip, kólemi 8000 paraqtan astam shegendeý qujattarda kórsetilgen.
«Osy oqıǵa memlekettik shekara aýdanynda qaýipsizdik pen turaqtylyqty nyǵaıtýǵa, ekijaqty, óńiraralyq jáne shekara mańyndaǵy ózara is-qımyldy tereńdetýge yqpal etedi, sondaı-aq Qazaqstan Respýblıkasynyń memlekettik shekarasyn zańdy resimdeý prosesiniń ońtústik baǵytta aıaqtalýyn bildiredi", dep túıindedi SIM ókili.
