«Doktorantýraǵa túsý úshin tek bir joǵary oqý orny men bilim berý baǵdarlamalarynyń bir tobyn ǵana tańdaýǵa bolatyndyǵyn eskertemiz. Eger túsýshige berilgen ótinishke (testileýdi tapsyrý qalasy, bilim berý baǵdarlamalarynyń toby, testileýdi tapsyrý tili) ózgerister engizý qajet bolǵan jaǵdaıda, oǵan ótinishterdi qabyldaý júıesi jabylǵanǵa deıin (3 tamyzǵa deıin) ótinishti óńdeý nemese joıý múmkindigi beriledi. Testileýdi ótkizý orny men ýaqyty týraly aqparat túsýshiniń jeke kabınetinde 9 tamyzda qoljetimdi bolady», delingen habarlamada.
Sondaı-aq túsý emtıhanyna esse jazý, doktorantýraǵa daıyndyq testi jáne bilim berý baǵdarlamasy tobynyń beıini boıynsha emtıhan kiredi. Jalpy, túsý emtıhanynyń eń joǵary kórsetkishi 100 ball, onyń ishinde áńgimelesý – 20 ball, esse – 10 ball, doktorantýrada oqýǵa daıyndyǵyn anyqtaýǵa arnalǵan test – 30 ball, beıini boıynsha emtıhan suraqtary – 40 baldy quraıdy. Al memlekettik bilim berý tapsyrysy boıynsha konkýrsqa qatysý úshin jáne aqyly negizde doktorantýraǵa túsý úshin shekti ball 75 baldy quraıdy.
Sonymen qatar 2022 jyldan bastap doktorantýraǵa túsý úshin shet tilin bilý sertıfıkatynan basqa, QAZTEST júıesi boıynsha memlekettik tildi meńgergenin rastaıtyn sertıfıkat usyný qajet.
Aıta keteıik, túsý emtıhanyna qatysýǵa tirkelý QR ǴJBM Ulttyq testileý ortalyǵynyń http://app.testcenter.kz/ saıtynda ótedi.
