Tótenshe jaǵdaı • 13 Shilde, 2023

«Semeı ormany» rezervatyndaǵy órt tolyǵymen sóndirildi

412 ret

kórsetildi

1 mın

oqý úshin

Tótenshe jaǵdaılar mınıstrligi Abaı oblysy Borodýlıha aýdany aýmaǵyndaǵy «Semeı ormany» rezervatyndaǵy orman órti tolyǵymen sóndirilgenin málimdedi, dep habarlaıdy Egemen.kz.

Botakóz BAQBERGEN

«Semeı ormany» rezervatyndaǵy órt tolyǵymen sóndirildi

TJM ókilderi usynǵan aqparatqa sáıkes, órt 13 shilde kúni saǵat 13:00-de tolyǵymen sóndirildi. О́rtengen ýchaskeniń jalpy aýdany 60 000 gektardy qurady. Jumyldyrylǵan kúshter men quraldardyń kómegimen jalyn 14 maýsymda saǵat 21:00-de oqshaýlanǵan edi, alaıda bir aı ótken soń ǵana tolyq sóndirildi.

Vedomstvo ókilderi órt oqshaýlanyp, TJM kúshteri men quraldary turaqty jumys oryndaryna ketken sátten bastap oqıǵa ornynda qaıta órtený múmkindigin boldyrmaý maqsatynda Ekologııa jáne tabıǵı resýrstar mınıstrliginiń orman órt stansııalary kezekshilik (qaraýyldaý) uıymdastyrǵanyn atap ótti. О́rttiń tutas perımetri boıynsha patrýldeý júrgizilgen.

«О́rt kólemi odan ári ulǵaımaı, taralýy toqtaǵannan keıin ǵana onyń oqshaýlanýy habarlanatynyn atap ótken jón. Bul rette órttiń qaıta tutanýyna jol bermeý úshin sharalar qabyldanyp, onyń janýy toqtaǵan kezde órt sóndirildi dep esepteledi», dedi TJM ókilderi.

Eske sala ketsek, Abaı oblysyndaǵy órt 8 maýsymda tutanǵan edi. О́rt saldarynan «Semeı Ormany» respýblıkalyq MK 14 qyzmetkeri men traktorshy kóz jumdy. О́rtti sóndirýge Qazaqstannyń basqa óńirlerinen 1500-den astam adam men tehnıka jumyldyryldy.

11 maýsymda Prezıdent Qasym-Jomart Toqaev jumys saparymen Abaı oblysyna baryp, qyzyl jalyn saldarynan qaza tapqan azamattardyń jaqyndarymen kezdesti.

Al 12 maýsymda Jalpyulttyq aza tutý kúni jarııalanyp, barsha qazaqstandyq qaıtys bolǵan jandardy eske aldy.