Buǵan deıin eldegi eń iri órt 34 jyl buryn tirkelip, 7,6 mıllıon gektar orman órtenip ketken. Kanada úkimeti azamattarǵa bıylǵy rekordtyq órt maýsymy áli aıaqtalmaǵanyn eskertti. Joǵary aýa temperatýrasy jazdyń sońyna deıin saqtalady.
Dál qazir Kanadada 900-ge jýyq órt tirkeldi, sonyń saldarynan shamamen 70 mıllıon adam tútinnen zardap shegýi múmkin. Kanadanyń batysyndaǵy órtten shyqqan tútin shyǵysqa qaraı AQSh-tyń soltústigine ótip, Alabamanyń ońtústigine jetýi yqtımal.
Soltústik-batys aımaq bıligi 15 shildede Brıtandyq Kolýmbııamen shekaralas Fort-Lıard mańynda 10 gektar aýmaqty alyp jatqan órtti sóndirý kezinde bir órt sóndirýshi qaza tapqanyn habarlady. Sheneýnikter órt sóndirýshiniń aty-jóni men ólim sebebin jarııalamady.
13 shildede 19 jastaǵy medısına stýdenti jáne órt sóndirý brıgadasynyń múshesi Devın Geıl Revelstok aımaǵynda 10 gektar aýmaqtaǵy órt sóndirý boıynsha jumys istep jrgende, ústilerine janyp jatqan aǵash qulap, qaıtys boldy.
«Eldegi órtterdiń aýqymyna qaramastan, órt sóndirý bólimderindegi ólim salystyrmaly túrde sırek kezdesedi», dep jazdy The Guardian basylymy.
