Ekologııa • 19 Shilde, 2023

Almatyda 160 myń kóshet otyrǵyzylady

190 ret

kórsetildi

1 mın

oqý úshin

Almaty qalasynda bıyl 16 925 apatty aǵash kesý josparlanǵan, jyl basynan beri 2,5 myńnan astam aǵash alyndy. Bir aǵashtyń ornyna 10 jasyl jelek egiledi, ıaǵnı 160 myńnan astam aǵash otyrǵyzylady, dep habarlaıdy Egemen.kz qala ákimdiginiń baspasóz qyzmetine silteme jasap.

Shyńǵys MUQAEV

Qala ákimdiginiń jazýynsha, apatty aǵashtardy anyqtaıtyn arnaıy jasyl komısssııanyń quramynda ekologtar, bıologtar, ekobelsendiler bar. Sondaı-aq aǵashtardyń apattylyǵyn anyqtaý maqsatynda ınstıtýttardyń ǵylymı qyzmetkerleri, qala turǵyndary tartylyp, muqııat taldaý jasalady.

Qalalyq ekologııa jáne qorshaǵan orta basqarmasynyń monıtorıng bóliminiń basshysy Nurlan Quttybaevtyń aıtýynsha, qazirgi ýaqytta shahar aýmaǵynda apatty aǵashtardy kesýge 35-ten astam tehnıka men 180-nen astam adam jumyldyrylǵan. Jumystar jasyl jelekterdi kútip ustaý talaptaryn saqtaı otyryp júrgiziledi, jaqyn mańdaǵy úılerdiń turǵyndaryna jasyl jelekterdi kesýdiń bastalǵany týraly aldyn-ala habarlanady. Buǵan deıin arnaıy belgiler ornatylyp, aýmaqtar qorshalady.