Ozyq ýnıversıtetter qatarynda

Halyqaralyq aýdıt qorytyn­dysy boıynsha ýnıversıtet alǵash ret joǵary baǵaǵa ıe boldy. «QS Stars» halyqaralyq reı­tınginde joǵary oqý ornyna «4 juldyz» taǵaıyndalǵan. Bul reıtıng ýnıversıtetti 50 túrli kór­set­kish boıynsha baǵalaı­dy eken. Sonymen qatar ShQTÝ oqy­tý, jumysqa ornalastyrý, tu­raqty damý sanattary boıynsha «óte jaqsy» degen baǵa aldy.

Budan bólek, ýnıversıtet alǵash ret «The Times Higher Educa­tion Impact» reıtıngine álem­dik deńgeıdegi 850 úzdikter qata­ryna, Qazaqstan boıynsha úz­dik eki ýnıversıtet qatary­na kirdi. Jyldyń taǵy bir tabysy D.Serikbaev atyndaǵy ShQTÝ CDIO (conceive, design, im­ple­ment, operate) bastamasynyń OA-daǵy birinshi tolyqqandy mú­shesi bolyp qabyldandy. Bul – MIT bastamashy bolyp otyr­ǵan tájirıbege baǵdarlanǵan kadr­lardy daıarlaý standartta­ry. Qazir osynyń negizinde ın­jenerlik bilim berý­diń ulttyq mo­deli ázirlenip jatyr.

Iá, ýnıversıtet halyqaralyq standarttar boıynsha damyp k­eledi. Bıyl qańtarda 12 bilim berý baǵdarlamasy Germanııanyń ASIIN agenttiginde halyqaralyq ak­kredıtteýden ótip, halyq­ara­lyq deńgeıde sapasyn rastady.

JOO-da 13 bilim berý baǵ­dar­­­­la­masy aǵylshyn tilinde júr­gi­­­ziledi. 2023 jyldyń shil­de­­sinen bastap ShQTÝ IDP IELTS Kazakhstan emtıhan orta­ly­ǵy­nyń resmı akkredıttelgen se­rik­tesi atanyp, barlyq ti­lek bil­dirýshilerge aǵylshyn tili­ deń­geıin resmı rastaýǵa múm­kin­dik­ beredi.

Oqý ornynyń on ǵalymy Amerıkanyń, Ulybrıtanııanyń, Re­seıdiń, Túrkııanyń joǵary oqý oryndarynda «Bolashaq» baǵdarlamasy boıynsha ǵylymı taǵylymdamadan ótti.

– Ǵalymdarymyz shetelde bi­limderin arttyryp jatyr. Jal­py, 2022-2023 jylǵy oqý jylynda ShQTÝ-da 12 memleketten shaqyrylǵan 48 ǵalym jumys is­tedi. Stýdentterimiz negizgi ın­je­nerlik biliktiliktiń 1-kýrsyn támamdaǵan soń, 651 stýdent bakalavrıat dárejesin aldy. Jastarymyzǵa tájirıbesimen bólisip, oqytýda Huawei, Amazon sııaqty kompanııalar tartylady, – deıdi ýnıversıtet rektory Sáýle Jádigerqyzy.

Esepti kezeńde ýnıversıtet open EDX jeke platformasynda 21 onlaın kýrs ázirledi. 2023 jyly ShQTÝ álemdegi ozyq ýnıversıtetter kýrstarynda sheksiz bilim alý úshin «Coursera»-ǵa 500 lısenzııa aldy.

Aıtqandaı, «IROS – zertteý quzyretteri» jobasy ázir­le­nip, bul oqý kýrstaryna naq­ty kezeńder keısi, zertteý ádis­teri, jobalyq jáne prob­le­malyq-baǵdarlanǵan oqytý, empırıkalyq zertteýler, bi­lim alýshylardyń zertteý quzy­retterin qalyptastyrýǵa múm­kin­dik beretin akademııalyq jazý erejeleri kiredi.

Kommersııalandyrý eko­jú­ıe­si jasaldy. «Bi ANGAR» bız­­nes-ınkýbatory quryldy. Teh­nologııalardy kommersııalan­dyrý keńsesi ashyldy. Astana ha­bymen jáne ShQO ákimdigi­men birlesip, It hab jumysyn bas­tady. Ǵylymı zertteý jumys­ta­ry da nátıjeli boldy. Jal­py, 2022-2023 oqý jylynda 200 joba iske asyryldy. Onyń 181-i kásiporyndardyń tapsyrysy bo­ıynsha, 3 BNQ, 16 granttyq. Ǵylym bıýdjeti de ósti. ShQTÝ basylymdarynyń dáıeksózderi molaıdy. Ýnıversıtet barlyq jos­parlardy sátti júzege asyryp, joǵary nátıjelerge, ha­lyq­aralyq tanymaldyqqa qol jetkizdi.

Jaǵymdy jańalyqtardyń biri – D.Serikbaev atyndaǵy ShQTÝ ha­lyqaralyq yntymaq­tastyqty damytý maqsatynda Tıanszın ýnıversıtetimen birlesip, Qa­zaqstanda Lý Ban sheberhanasyn ashady. Mundaı sheberhanalar álemniń 20 elinde ashylǵan. Jobany aıaqtaý jáne Lý Ban sheberhanasyn ashý 2023 jyldyń qazan aıynda josparlanǵan.

Shetelmen tyǵyz baılanys­ta jumys istesip kele jatqan ShQTÝ bazasynda metallýrgııa jáne paıdaly qazbalardy ón­dirý salasyndaǵy qazaqstan-ne­mis ǵylym jáne tehnologııa­lar ıns­tıtýty qurylyp jatyr. Bul týraly eki eldiń Prezıden­ti Qasym-Jomart Toqaev pen Frank-Valter Shtaınmaerdiń qatysýymen ótken Qazaqstan – Germanııa ýnıversıtetteriniń forýmy sheńberinde kelisimge qol qoıyldy. Memleket bas­shy­synyń tapsyrmasymen júzege asyrylyp jatqan taǵy bir jo­ba – ShQTÝ bazasynda taý-ken me­t­al­lýrgııa salasyndaǵy akade­mııa­lyq artyqshylyq ortalyǵyn qurý kózdelgen.

Sondaı-aq atalǵan oqý oryn Sátpaev ýnıversıtetimen bir­ge pılottyq rejimde Sıfrlyq ýnı­versıtet jobasyn iske asyrý úshin tańdaldy. Joba maqsaty – sıfrlyq ýnıversıtettiń eta­londyq modelin qurý jáne ony elimizdiń ýnıversıtetterine odan ári taratý.

D.Serikbaev atyndaǵy ShQTÝ rektory Sáýle Rahmetýllına­nyń aıtýynsha, bilimin ǵylym­men baılanystyratyn túlek­ter bir jylda on doktorlyq dıssertasııa qorǵap, bul aıtý­ly jetistik dep tanyldy. Sebebi ǵylymı zertteýlerge de jiti mán beriletin joǵary oqý orny­nyń jastary bolashaqta aýyl sha­rýashylyǵynan bastap, túrli salaǵa ózgerister ákeletin jobalar oılap tabady.

– Smart Engineering ortaly­ǵy­nyń meńgerýshisi tuqym sepki­niń sulbasyn anyqtap, ázirlep ­jatyr. Ol daıyn bolǵan jaǵ­daı­da egistik alqabyna aparyp, tyńaıtqysh retinde qoldana­dy. Bul jerde tyńaıtqyshtyń to­lyqtaı daqyldyń tamyryna ba­ratynyn eskergen jón. Ob­lys­ta maıly daqyl egistigi ór­lep turǵandyqtan, ýnıversıtet ǵa­lymdary ázirlep jatqan tuqym sep­ki oń jańalyq ákeledi deýge bolady. Kúzde tájirıbeden ót­kizý josparda bar, – dedi rektor S.Rahmetýllına.