Ashyq talqyǵa shyǵarylǵan «Baılanys qyzmetterin kórsetý qaǵıdalaryn bekitý týraly» mınıstr buıryǵy «bıometrııalyq derekter» termınimen tolyqqan.
Bıometrııalyq derekter – abonenttiń fızıologııalyq jáne bıologııalyq erekshelikterin sıpattaıtyn derbes málemetter.
«Abonenttik qurylǵylar respýblıka azamattarynyń kúndelikti ómiriniń ajyramas bóligine aınaldy. Qazirgi ýaqytta baılanys operatorlary uıaly baılanys abonentterin durys sáıkestendirýsiz onlaın servıs arqyly tirkeıdi. Buny abonenttik nómirlerge basqa adamdardyń derbes derekterin tirkeıtin jáne qarjy sektorynda qylmys jasaıtyn alaıaqtar paıdalanady. Osylaısha, quqyq qorǵaý organdarynda jedel-izdestirý is-sharalaryn júrgizý kezinde durys aqparat bolmaıdy. Osy qylmystardy azaıtý jáne aldyn alý maqsatynda bıometrııalyq sáıkestendirý arqyly abonentterdi tirkeý qajettigi týraly sheshim qabyldandy», delingen Ashyq NQA portalynda jarııalanǵan mınıstr Baǵdat Mýsınniń buıryq-jobasynda.
Jańa talap engizilse, onda uıaly baılanys operatorlary abonentterden bıometrııalyq derekterdi (adamnyń bet-álpeti) jınap, keıin oǵan qyzmet kórsetý shartyn jasasady.
Buıryq jobasy 3 tamyzǵa deıin kópshilik talqylaýynda bolady.
