Bıyl «Qazaqstanda jasalǵan» baǵdarlamasyn júzege asyrýǵa 15 mlrd teńge bólindi. KazAgroFinance bot-qa ótinim bergennen keıin klıent 5 jumys kúni ishinde qajetti qujattardy jınaıdy. Klıentterdiń buryn berilgen ótinimderi boıynsha qujattardy usynbaýyna bolady. Sondaı-aq ótinim berý kezinde qate derekterdi engizýine baılanysty bólingen lımıt sheńberinde 7 mlrd teńge kólemindegi qarajat ıgerilmeı qalǵan.
Osyǵan baılanysty, aldaǵy 24 shildeden bastap «QazAgroQarjy» AQ «Qazaqstanda jasalǵan» baǵdarlamasy boıynsha otandyq óndiristiń, qurastyrýdyń aýyl sharýashylyǵy tehnıkasyn lızıngke qarjylandyrýǵa ótinimderdi qabyldaýdy birneshe shartpen qaıta bastaıdy.
Lızıngke beriletin jabdyqtar – otandyq óndiriste, qurastyrylǵan aspaly, tirkemeli jáne ózdiginen júretin aýyl sharýashylyq tehnıkalary.
Nesıeniń jyldyq mólsherlemesi 6 paıyzdy quraıdy. Lızıng merzimi – 10 jylǵa deıin. Avanstyq tólem – lızıngke alynǵan aktıv qunynyń 15 paıyzynan bastalady. Kepildik kerek emes. Sondaı-aq, qarjylandyrý lımıti 120 mln teńgeden jáne lızıng zatynyń 2 birliginen aspaıdy.
