Ferma 10 ga jerdi alyp jatyr. Onyń tórt gektary eshki ósirýge arnalsa, qalǵan aımaqta jemshóp qoımasy men sút óńdeý sehy ornalasqan. О́z sharýasyn dóńgeletip otyrǵan mańǵystaýlyq kásipkerler – Kobzevter otbasy qyrkúıek aıynyń 10-12 aralyǵynda Eýropanyń Týr qalasynda tuńǵysh ret ótetin halyqaralyq irimshik baıqaýyna qatysyp, Qazaqstannyń namysyn qorǵaıdy. Fransýzdyq Le Mondial du fromage baıqaýy – halyqaralyq sút ónimderin shyǵarýshy kásipkerlerdiń óz ónimderin usyna alatyn joǵary deńgeıdegi alańy. Kobzevterdiń jetistigi – konkýrs uıymdastyrýshylar tarapynan Qazaqstanda alǵash ret akkredıtteý alýy.
О́ńir basshysy Nurlan Noǵaevtyń Túpqaraǵan aýdanyna jumys sapary barysynda sharýashylyǵyn dóńgeletip otyrǵan kásipkerler óz kásibimen tanystyryp, múmkindikteri týraly baıandady.
– Bıyl biz óndiristi damytýǵa baǵyttalǵan qaıtarymsyz 5 mln teńge grant utyp aldyq. Sonymen qatar «Aýyl amanaty» baǵdarlamasynyń qatysýshylarymyz. Aýyl sharýashylyǵy kásipornyn óz aqshańa damytý óte qıyn, osy turǵyda memleket aýyl sharýashylyǵy óndirýshilerine kóńil bólip, qoldaý kórsetip otyrǵany qýantady. Bıyl biz úshin mańyzdy oqıǵa – Mondial du fromage-2023 halyqaralyq irimshik baıqaýyna qatysý. Onda biz óz ónimderimizdi tanystyramyz. Aıta ketý kerek, elimiz táýelsizdik alǵaly beri Qazaqstan alǵash ret álemdik irimshik jasaýshylar baıqaýyna óz ónimderin usynatyn bolady, – dedi irimshik daıyndaýshy Aleksandra Grıgolova.
О́ńir basshysy N.Noǵaev kásiporynnyń jetistigi men Mańǵystaý irimshik óndirýshileriniń áleýeti zor ekenin atap ótti.
– Mańǵystaýda óndiriletin otandyq irimshikter jaqyn arada otandyq eksportty damytýdyń negizgi draıveri bola alady. Sizder halyqaralyq deńgeıdegi baıqaýda elimizdi tanystyrý múmkindigine ıe bolǵanyńyz qýantady. Sizderge sáttilik tileı otyra, kásipkerlerdiń bastamalaryn qoldaýǵa árqashan daıyn ekenimizdi aıtqym keledi, – dedi N.Noǵaev.
Qazaqstannyń sút ónimderi Eýropada top jaryp el mereıin asyratyn kún jaqyn dep oılaımyz.
