Aıta keteıik, osydan 10 kún buryn Bashmachnoe aýylyndaǵy sharýa qojalyǵyna tıesili saýyn sıyrlar bir mezgilde qyrylǵan edi.
Málimetke qaraǵanda, janýarlar sýattan shyǵyp birinen soń biri sulap túsken. Al sál ýaqyt buryn osy aýyldaǵy kartop egilgen alqaptyń mańaıynda jaıylǵan eken.
Veterınarlar mal ólekselerinen synama alyp, saraptamaǵa jiberdi. Topyraq pen sýdyń da quramy tekserildi.
«Topyraq pen sýdan alynǵan synamadan pestısıdtardyń qaldyqtary anyqtaldy. Olar: «Dıhlorfos», «Dımetoat», «Paratıonmetıl», «Hlorpırıfos». Osy 4 preparat joǵary deńgeıde anyqtaldy. Olar ósimdikterdi ár túrli jándikterden qorǵaý úshin qoldanylady», dedi Veterınarııalyq basqarma basshysynyń orynbasary Asyltas Abylaıuly.
