Qostanaı oblysy polısııa departamenti esirtki qylmysyna qarsy is-qımyl basqarmasynyń qyzmetkerleri arnaıy operasııa júrgizip, oblys aýmaǵynda esirtki taratýmen aınalysqan 11 adamdy ustady.
«Polısııa 58 keliden astam marıhýanany tárkiledi. Mundaı iri partııanyń qara naryqtaǵy quny 9 mln teńgeden asady», delingen habarlamada.
Vedomstvonyń málimetinshe, esirtki jalǵa alynǵan garajda saqtalǵan. Ony taratý úshin shaǵyn orama jasap otyrǵan.
«Qazirgi ýaqytta QR QIJK-niń 128-baby tártibinde 5 kúdikti ýaqytsha ustaý ızolıatoryna qamaýǵa alyndy. Qalǵandaryna qatysty eshqaıda ketpeý týraly qolhat berý túrindegi bultartpaý sharasy qabyldandy», dedi Esirtki qylmysyna qarsy is-qımyl basqarmasynyń bastyǵy Nurjan Ahmetov.
Sonymen qatar ol QR QK 297-babynyń 3-bóligi boıynsha bastalǵan sotqa deıingi tergeý aıasynda qajetti tergeý áreketteri júrgizilip jatqanyn málimdedi.
