Grýzın jurtshylyǵyn qazaq mádenıeti men ádebıetimen keńinen tanystyrý maqsatynda qazaq klassıkteriniń ádebı shyǵarmalary, ejelgi zamannan qazirgi zamanǵa deıingi Qazaqstan tarıhy boıynsha eńbekteri, óner men dástúrlerge arnalǵan albomdar, ensıklopedııalar jáne belgili qazaqstandyq avtorlardyń kórkem kitaptary tabys etildi.
Is-shara Grýzııanyń shyǵarmashylyq zııalylary men kitap súıer qaýymnyń qyzyǵýshylyǵyn týdyrdy. Osyǵan baılanysty elshilik kitaphanasy da qazaq, grýzın, aǵylshyn tilderinde shyqqan dıplomatııa, saıasat, ekonomıka týraly kitaptarmen, sondaı-aq klassıkalyq jáne zamanaýı ádebıettermen tolyǵymen jańartyldy. Bul kitaphananyń paıdalanýshylaryna Qazaqstannyń tarıhy, órkenıeti, halyq dástúrleri, sáýleti, óneri jáne mádenıeti salasyndaǵy bilimderin tereńdetýge múmkindik beredi.
Elshilik kitaptardy tabystaý aksııasyn jalǵastyryp, ony bıyl Qazaqstanda jáne shet elderde keńinen atalyp ótip jatqan qypshaq dalasynan shyqqan, ári aty ańyzǵa aınalǵan bıleýshi Sultan Beıbarystyń 800 jyldyǵy, memleket jáne qoǵam qaıratkeri Temirbek Júrgenovtiń 125 jyldyǵy jáne kórnekti qazaqstandyq qoǵam qaıratkeri, mádenıettanýshy Murat Áýezovtyń 80 jyldyq mereıtoılaryn nasıhattaýǵa arnalady.
