Respýblıkalyq mańyzy bar «Almaty – Shelek – Qorǵas» avtojolynyń 126-shy shaqyrymynda, magıstraldiń oń jaq boıynda jalpy aýdany 540 m2 quraıtyn, joldaǵy jurtqa qyzmet kórsetetin nysan óz jumysyn bastady. Bul nysanda saýda jáne tamaqtaný pýnkteri, kólikterge arnalǵan turaq, estakada jáne erlerge, áıelderge, erekshe qajettiligi bar jandarǵa arnalǵan abattandyrylǵan sanıtarlyq-gıgıenalyq toraptar tolyq qarastyrylǵan.
«Qyzylorda – Pavlodar – Ýspenka – RF shekarasy» tasjolynyń Qaraǵandy oblysynyń Rodnıkovskıı aýylynan Pavlodar oblysynyń shekarasyna deıingi aralyǵy jóndelip, paıdalanýǵa berildi. Joldyń bul bóligi Qaraǵandy jáne Pavlodar oblystaryn baılanystyrady. Osy jol arqyly táýligine 8 myńǵa jýyq kólik qatynaıdy eken.
