Taekvondo sportynan halyqaralyq jarystarda el namysyn qorǵap júrgen 19 jastaǵy Rıta Bákisheva dúnıejúzilik Ýnıversıadanyń jeńimpazy atandy. 46 kılo salmaqta óner kórsetken otandasymyz irikteý kezeńinde qarsylastaryn op-ońaı tize búktirip, fınalda 2022 jylǵy álem chempıonatynyń qola júldegeri qytaılyq Taıpeı ókili Hýan In Sýanmen sheberlik baıqasty. Asa tartysty ótken kezdesýde jerlesimiz myqtylyǵyn dáleldep, Ýnıversıadanyń bas júldesin oljalady.
Sondaı-aq gımnast Eljana Tanıeva eki baǵdarlama boıynsha úzdikter qatarynan kórindi. Lentamen jattyǵý saıysynda baq synap otandasymyz Majarstan men Ýkraına qyzdaryna jol berip, qola júldeger atansa, doppen jekeleı syndaǵy jattyǵýda tek Majarstan ókilin alǵa jiberip, kúmis medaldi moınynda jarqyratty. Qola júlde Bolgarııa sportshysyna buıyrdy. Sonymen qatar sadaq atý saıysynda synǵa túsken Dıana Tursynbek te el qorjynyna kezekti kúmis medaldi saldy. Al dzıýdoshy Bekarys Sádýaqas stýdentter básekesiniń qola júldesine ıe boldy.
Elimiz quramasy jalpykomandalyq esepte 1 altyn, 5 kúmis jáne 5 qola medalmen 10-orynda keledi.
