Foto: istockphoto.com
Sınoptıkterdiń málimetinshe, Astanada jaýyn-shashyn bolmaıdy. Kúndiz aýa temperatýrasy +27…+29 gradýsqa deıin kóteriledi. Jeldiń ekpini sekýndyna 20 metrge deıin jetýi yqtımal.
Almatyda kún bultty bolyp, jańbyr men naızaǵaı kútiledi. Aýa temperatýrasy +27…+29 gradýs shamasynda bolady.
Shymkentte jaýyn-shashynsyz ystyq aýa raıy saqtalady. Kúndiz aýa temperatýrasy +31…+33 gradýsqa deıin kóterilip, jeldiń ekpini 15-20 metrge deıin kúsheıýi múmkin.
Eń joǵary temperatýra Túrkistan, Semeı jáne Taldyqorǵan óńirlerinde tirkeledi. Bul aımaqtarda kúndiz aýa temperatýrasy +32…+34 gradýsqa deıin jetedi.
Qyzylordada kún ashyq bolyp, aýa temperatýrasy +29…+31 gradýs aralyǵynda saqtalady. Qaraǵandy men Jezqazǵanda da jaýyn-shashyn kútilmeıdi, kúndiz +25…+29 gradýs jyly bolady.
Batys óńirlerde aýa raıy salystyrmaly túrde salqyndaý. Aqtóbede jańbyr men naızaǵaı boljanyp, aýa temperatýrasy +20…+22 gradýs bolady. Oralda +24…+26 gradýs, Atyraýda +26…+28 gradýs jyly bolady. Aqtaýda kún ashyq, aýa temperatýrasy +22…+24 gradýs shamasynda saqtalady.
Soltústik Qazaqstanda turaqsyz aýa raıy jalǵasady. Qostanaı, Kókshetaý jáne Petropavl qalalarynda jańbyr men naızaǵaı kútiledi. Petropavlda jeldiń ekpini sekýndyna 25 metrge deıin jetýi múmkin.
Mamandar naızaǵaı men qatty jel boljanǵan óńirlerdiń turǵyndaryn qaýipsizdik sharalaryn saqtaýǵa shaqyrady.
