«Egemen Qazaqstan» gazetinde taǵylymdamadan ótip jatqan, elimizdiń ár óńirinde medıa jáne kommýnıkasııa salasynda oqıtyn stýdentter men túlekterge arnalǵan sheberlik dárisin «Qazaq gazetteri» JShS bas dırektorynyń orynbasary Qambar Ahmet ótkizdi. Onda maqala jazý, aqparat daıyndaýda neni eskerý kerek, jas jýrnalısterde jıi kezdesetin qatelikter, aqparatty tekserý, jalǵan aqparatty anyqtaý tásilderi týraly sóz boldy. Dáriske qatysýshylar mátindi taldaý, jiberilgen qatelerdi tabý sekildi tapsyrmalardy oryndap, kásibı mamannyń tájirıbesin tyńdady.
Dáris sońynda «Egemen Qazaqstan» gazetiniń tilshisi Aıtolǵan Júnishan dáriske qatysýshylar úshin birneshe kezeńnen turatyn kýız uıymdastyrdy.
Qambar Jumaǵalıuly dáriske qatysyp, ıntellektýaldy saıys suraqtaryna tapqyrlyqpen jaýap bergeni úshin jas jýrnalısterge syı-sııapat jasady.
Aıta ketý kerek, Jýrnalıster saıabaǵynda erekshe formattaǵy mundaı dáris tuńǵysh ret ótkizildi. «Qazaq gazetteri» JShS Bas dırektorynyń orynbasary Qambar Ahmet seriktestikke qarasty basylym ujymdary jas jýrnalısterdiń biliktiligin arttyrý maqsatynda osy sekildi tájirıbe bólisý sharalaryn jıi ótkizip turýǵa múddeli ekenin aıtty.
