«Bul Qazaqstandaǵy ekologııalyq týrızmniń damý dınamıkasy jáne eldegi ekotýrızm mádenıetiniń qalyptasqanynyń kórsetkishi. Sondaı-aq respýblıkanyń ulttyq saıabaqtarynda jańa týrıstik nysandar: vızıt-ortalyqtar, kempıngter men glampıngter salynyp jatyr. Onda qonaqtarǵa jergilikti ekojúıe jáne jabaıy janýarlar, týrıstik marshrýttar, tasymaldaý pýnktteri jáne t.b. týraly aqparat beriledi. Mysaly, «Aıýsaı» vızıt-ortalyǵynda týrısterdiń qaýipsizdik jýrnalyna ártúrli soqpaq joldarmen shyǵatyn saıahatshylardy tirkeıdi. Eger demalýshylar saǵat 22:00-ge deıin oralmasa, vızıt-ortalyq qyzmetkerleri izdeýdi bastaıdy», dedi Mádenıet jáne sport vıse-mınıstri Erjan Erkinbaev.
Esterińizge sala keteıik, sońǵy 2 jylda Qazaqstannyń ulttyq parkterinde 14 vızıt-ortalyq ashyldy, onyń 7-eýi jeke ınvestorlardyń qarajatyn tarta otyryp salyndy. Sonymen qatar eldegi glampıngter sany bıyl 38-ge jetti.
