Apattan zardap shekken taǵy bir áıel keshe túnde Alanııa memlekettik aýrýhanasynda qaıtys boldy. Bul týraly QR Syrtqy ister mınıstrligi Túrkııa dárigerleriniń aqparatyna silteme jasap habarlady.
«Qazirgi ýaqytta marqumnyń týystary aýrýhanada. Olarǵa qajetti kómek kórsetilip jatyr. Qujattar rásimdelgen soń máıit Qazaqstanǵa jóneltiledi», dep habarlady QR SIM.
Buǵan deıin oqys oqıǵa saldarynan qaza tapqan taǵy bir qazaqstandyqtyń denesi elge jetkizildi.
Eske sala keteıik, 30 shildede Alanııada 12 Qazaqstan azamaty mingen shaǵyn avtobýs jol apatyna ushyrady. Ekskýrsııalyq fýrgonnyń júrgizýshisi men ekskýrsovod oqıǵa ornynda kóz jumdy. Aýrýhanaǵa Qazaqstan Respýblıkasynyń 11 azamaty tústi, keıin olardyń bireýi (Mańǵystaý qalasynyń 49 jastaǵy turǵyny) qaıtys boldy.
