Osydan bir apta buryn Zagrebtegi «Maksımır» stadıonynda ótken eki klýb arasyndaǵy alǵashqy oıynda alań qojaıyndary «Astana» qaqpasyna jaýapsyz tórt gol soǵyp, kelesi kezeńniń máselesin Horvatııada sheship qoıǵan bolatyn. Degenmen elorda klýbynyń jankúıerleri Astanadaǵy jasandy alańnyń «jaqtasýymen» «Astana Arenadaǵy» qarymta matchtan bir keremettiń bolarynan úmitti edi. О́ıtkeni fýtbol tarıhynda ǵana emes, «Astana» tarıhynda da buǵan deıingi Eýrokýbok básekelerinde keremet kambekterdiń kýási bolǵanbyz. Biraq «Astana» fýtbolshylary bul joly kambek jasaý bylaı tursyn, elordadaǵy aptap ystyqqa qaramastan komandany qoldaýǵa kelgen jankúıerlerdi bir golmen de qýanta almady.
Matchtyń 24-mınýtynda Horvatııa klýbynyń ázerbaıjandyq shabýylshysy Mahır Emrelı Iosıp Chondrıch qorǵaǵan qaqpanyń alys buryshyn dál kózdep, oıynnyń esebin ashty. Arada jeti mınýt ótkende Emrelı qorǵaýshylarymyzdyń qorǵanystaǵy qateliginen keıin básekedegi ekinshi golyn soqqan edi. Abyroı bolǵanda, tóreshiler goldyń oıynnan tys jaǵdaıda soǵylǵanyn baıqap, goldy eseptemeı qoıdy. Sóıtip, birinshi taım qonaqtar-
dyń aıqyn basymdyǵymen aıaqtaldy.
Ekinshi taımda «Astananyń» bas bapkeri Grıgorıı Babaıan birinshi taımda oınaǵan Vladıslav Prokopenko men Marın Tomasovtyń ornyna Dembo Darbo jáne Dýshan Iovanchıchti shyǵarsa, sál keıinirek Abat Aıymbetovti Elhan Astanovqa almastyrǵan soń, elordalyqtardyń oıynynda oń ózgeris baıqala bastady. «Astana» fýtbolshylary ekinshi 45 mınýtta dopty óz baqylaýlarynda kóp ustap, «Dınamo» qaqpasyna segiz márte soqqy jasady. О́kinishke qaraı, bul shabýyldardyń bári de nátıjesiz aıaqtaldy. Esesine, matchtyń aıaqtalýyna bir mınýt qalǵanda Antonıo Marın mergendigimen kózge túsip, oıynnyń núktesin qoıdy – 2:0.
Endi «Astana» fýtbolshylary Eýrokýbogtegi jarys jolyn Eýropa lıgasynda jalǵastyrady. Bul týrnırdiń úshinshi kezeńinde jerlesterimiz Bolgarııa chempıony – «Lýdogores» klýbymen kezdesedi. Bolgarııalyq ujym da jarysty Chempıondar lıgasynan bastap, ekinshi kezeńde slovenııalyq «Olımpııadan» jeńilgen soń, «Astana» sııaqty Chempıondar lıgasynan shyǵyp qalǵan bolatyn.
«Astana» men «Lýdogores» arasyndaǵy Eýropa lıgasynyń úshinshi irikteý kezeńiniń alǵashqy oıyny 8 tamyzda elordada, qarymta kezdesý 15 tamyz kúni Razgrad qalasynda ótedi dep josparlanǵan.
