Bas prokýrordyń málimetinshe, 2025 jyldyń aqpan aıynda qylmystyq qýdalaý organdaryna ınternet-alaıaqtyqpen kúresti kúsheıtý jóninde arnaıy nusqaý joldanǵan. Negizgi maqsat – tergeýdiń zańdylyǵyn qamtamasyz etý, kúmándi tranzaksııalardy jedel buǵattaý, zańsyz nesıelerdi toqtatý jáne «dropperler» arqyly kelgen zalaldy óndirý.
Tegin kitaptar qaýipti: Bas prokýratýra ınternet-alaıaqtyqtyń jańa túri týraly eskertti
Prokýrorlyq qadaǵalaý barysynda polısııa organdarynyń alaıaqtyq isteri boıynsha 3 387 zańsyz sheshimi joıyldy. Qaıta qaralǵan isterdiń 387-si sotqa joldanyp, 129 is toqtatyldy.
Nátıjesinde 2,4 mlrd teńgeden astam somaǵa kúmándi qarjylyq operasııalar buǵattaldy. Sonymen qatar alaıaqtyqpen aınalysqan koll-ortalyqtardyń qyzmeti, onyń ishinde «Antıfrod-Koll-Ortalyq» jobasy toqtatyldy.
9,4 myń nesıelik kelisim boıynsha 8,3 mlrd teńge kólemindegi óndirip alý ýaqytsha toqtatylyp, 150 kelisim boıynsha 1,6 mlrd teńge qaryz keshirildi.
Memlekettik servısterge «1414» SMS-shlıýzi arqyly kirý kezinde FaceID bıometrııalyq sáıkestendirý men eGov QR-kodtary mindetti túrde engizildi. Bul urlanǵan nemese jalǵan ESQ arqyly nesıe rásimdeýdiń aldyn alýǵa múmkindik beredi.
Sondaı-aq Ýkraına, Reseı jáne Armenııanyń ýákiletti organdarymen birlesip, 10 transulttyq alaıaqtyq call-ortalyq joıyldy. 63 qylmystyq top múshesi ustalyp, SIM-bokstardy qosa alǵanda arnaıy qural-jabdyqtar tárkilendi.
Usynylǵan derekter Qazaqstannyń zamanaýı kıberqaýipterge qarsy júıeli ári keshendi tásil qalyptastyrǵanyn, sondaı-aq ishki reformalar men halyqaralyq yntymaqtastyqtyń kúsheıgenin kórsetedi.
