Erlan Qarın Naýryznama aıasynda «Tazarý» kúnin atap ótý jalpyulttyq «Taza Qazaqstan» jobasyn odan ári iske asyrýǵa jańa serpin beretinin jetkizdi.
Memlekettik keńesshi «Taza Qazaqstan» qundylyqtary jańa Konstıtýsııanyń qaǵıdattaryna tolyq saı keletinin eske saldy.
«Jaýapty ári jasampaz otanshyldyq ıdeıasyn ilgeriletý Ata zańnyń 3-babynyń 1-tarmaǵyndaǵy Qazaqstan Respýblıkasy qyzmetiniń negiz quraýshy qaǵıdattarynyń biri retinde bekitilgen. «Taza Qazaqstan» atalǵan konstıtýsııalyq qaǵıdatty naqty júzege asyrýda ıdeologııalyq alańǵa aınala alady», dedi Erlan Qarın.
Memlekettik keńesshi bul iske qoǵamdastyqty, eń aldymen, eriktiler men jastar uıymdaryn keńinen tartý, sondaı-aq «Taza Qazaqstan» jobasy aıasynda ótkiziletin aksııalar men is-sharalardy aqparattyq turǵydan jan-jaqty súıemeldeý jóninde naqty tapsyrma berdi.
