Merekelik shara aıasynda salanyń damýyna úles qosyp júrgen vedomstvo mamandary nazardan tys qalmady. Atap aıtqanda, mınıstrliktiń bes qyzmetkerine «Bilim berý isiniń qurmetti qyzmetkeri» tósbelgisi tabys etildi. Juldyz Súleımenova óz sózinde elimizdegi oń ózgerister men Memleket basshysynyń bastamasymen júzege asyp jatqan bilim salasyndaǵy irgeli reformalarǵa toqtalyp, ujymdy Naýryz merekesimen quttyqtady.
«Naýryz - kún men tún teńelip, tabıǵat túleıtin, shyǵys halyqtarynyń jańarý merekesi. Elimizde kóktem merekesi qarsańynda Konstıtýsııamyz jańaryp, bul tarıhı qadam áz Naýryzǵa ulasyp jatyr. Osydan jeti jyl buryn Memleket basshysy Qasym-Jomart Toqaevtyń bastamasymen qolǵa alynǵan irgeli reformalardyń ıgiligin búginde ustazdar qaýymy men osy salanyń jumysyn úılestirip júrgen bilim salasynyń mamandary anyq kórip, qýanýdamyz. Sizderdiń eńbekterińiz urpaq tárbıesine tikeleı qatysty ári el bolashaǵyn aıqyndaıdy. Osynaý kóktem merekesinde barshańyzǵa alǵys aıta otyryp, eńbekterińizge jemis tileımin», dedi sala mınıstri.
Jıyn sońynda mınıstrlik qyzmetkerleri ózderi daıyndaǵan merekelik baǵdarlamany usynyp, ónerlerin ortaǵa saldy.
