Áýejaıdan Aqtaýǵa deıingi tasjol da, Beket ata jerasty meshitine barar jol men «Jetibaı − Jańaózen» syndy birneshe mańyzdaǵy avtojol da atalǵan zaýyttyń ónimderimen salyndy.
− «Aqtaý teńiz porty» arnaıy ekonomıkalyq aımaqta ornalasqan óndiris oshaǵy 2014 jyly ashylǵan. Jarty jyl buryn ekinshi óndiristik jeli iske qosylyp, qazirgi ýaqytta saǵatyna 210-220 tonna ónim shyǵarylady. Barlyq materıaldar memlekettik standarttarǵa tolyq sáıkes keledi. Ekinshi óndiristik jelini iske qosý naryqtaǵy suranystyń artýyna baılanysty júzege asyryldy. Aldaǵy ýaqytta kásiporyn óndiristi tolyq qýatqa shyǵaryp, óńirdegi avtojol qurylysy salasynyń damýyna jáne ınfraqurylym sapasyn arttyrýǵa óz úlesin qosa bermek, – dedi zaýyt dırektorynyń orynbasary Ońdaǵan Nadırov.
Kásiporyn 30 turaqty jumys ornyn qamtamasyz etip, óńirdiń áleýmettik-ekonomıkalyq damýyna úles qosyp otyr. Shebin jaqyn mańdaǵy karerlerden, bıtým óńirdegi munaı kásiporyndarynan jetkiziledi.
Kásiporynnyń arnaıy ekonomıkalyq aımaqta ornalasýy logıstıkalyq múmkindikterdi keńeıtip, óndiris tıimdiligin arttyrýǵa yqpal etip keledi.
Elimizde asfaltbeton qospalaryna qoıylatyn talaptar jańartylady
