Jalpy alǵanda Abaı oblysynda balalarǵa arnalǵan 12 saýyqtyrý lageri bar.
– Bizdiń lager 15 maýsymda ashyldy. 6 maýsym boıynsha munda demalýǵa 620 bala qamtylyp otyr. 600 bala «Qazaqstan halqyna» qorynyń esebinen demalady. 20 bala memlekettik qyzmet kórsetý maqsaty boıynsha keledi. Barlyǵynyń da ýaqytyn qyzyqty ótkizýge basa mán beremiz. Táýligine alty mezgil tamaqtanady, eki ret emdik qasıeti bar Alakólge shomylady. Barlyǵy jiti qadaǵalaýymyzda. Demaltyp qana qoımaı, patrıottyq is-sharalar, ártúrli óner saıystaryn uıymdastyramyz. On kúndik maýsymnyń árqaısysy boıynsha 120 bala demalyp qaıtady. Qazirgi tórtinshi maýsymda Borodýlıha, Besqaraǵaı, Aıagóz jáne Úrjar aýdandarynyń balalary júr, – deıdi «Úrjaraıym» saýyqtyrý lageriniń aǵa tálimgeri Dına Dosanqyzy.
Úrjar aýdany Aqjar aýylynan kelgen 8-synyp oqýshysy Gúlnur Raqysheva osy lagerge kelgenine erek-
she qýanyshty.
– Ár kúnimiz qyzyqty ótip jatyr dep aıtýǵa bolady. Keshe voleıbol oınasaq, búgin doıby oınamaqpyz. О́zim bıge, án aıtýǵa jaqynmyn. Keshke «Eki juldyz» baıqaýy ótedi. Soǵan tálimgerimmen birge «Betperde» ánimen qatysýǵa yntalanyp otyrmyn, – deıdi júzinen qýanyshtyń lebi esken Gúlnur.
Osynaý saýyqtyrý lagerinde 16 demalys orny qamtylǵan. Árqaısynda 12 bala bir tálimgerimen jaıǵasqan. Balalardyń qyzyqty da alańsyz demalýyna qaýipsizdik, saqtyq sharalary baqylaýǵa alynǵan.
