24 shilde men 2 tamyz aralyǵynda ótken álemdik bilim dodasyna Qazaqstan quramasy onlaın qatysqan bolatyn. Komanda quramynda Oral qalasyndaǵy fızıka-matematıka baǵytyndaǵy Nazarbaev zııatkerlik mektebiniń 11-synyp oqýshysy Nurdáýlet el namysyn abyroımen qorǵap shyqty. Jalpy nátıjede Qazaqstan komandasy 1 kúmis, 4 qola medaldy qanjyǵaǵa baılady.
– Halyqaralyq olımpıada tapsyrmalary respýblıkalyq kezeńdegideı boldy. Tapsyrmalardy oryndaýǵa az ýaqyt berildi. Biraq suraqtyń basym bóligine sátti jaýap berip, qola medalǵa qol jetkizdim. Bul olımpıada arqyly ózimniń kemshilikterimdi de baıqadym. Eger taǵy bir márte qatysý múmkindigi bolsa, altyn medal alý úshin bar kúshimdi salamyn, – deıdi Nurdáýlet.
«Bul olımpıada testileý, ashyq suraqtar, qarjylyq oıyn jáne bıznes keıs kezeńderinen turdy. Shákirtimizdiń jetistigine mektebimizdiń ekonomıka páni muǵalimi Áıgerim Rahymnyń da úlesi zor», deıdi Nazarbaev zııatkerlik mektebiniń baspasóz hatshysy Móldir Latıfova.
