«Jedel-izdestirý is-sharalary barysynda Obrazes aýylynda jol apatynyń belgilerine uqsas syrtqy zaqymdary bar Toyota Land Cruiser avtokóligi anyqtaldy. Avtokóliktiń ıesi - Petropavl qalasynyń 39 jastaǵy turǵyny ustaldy. Jaýap ala kele er adam eki jaıaý júrginshini qaǵyp ketkenin jáne oqıǵa ornynan ketip qalǵanyn moıyndady. Júrgizilgen medısınalyq kýálandyrý Toyota Land Cruiser júrgizýshisiniń alkogoldik masań kúıde bolǵanyn kórsetti», delingen SQO PD baspasóz qyzmetiniń habarlamasynda.
5 tamyzda saǵat 23:40-ta Maǵjan Jumabaev aýdandyq polısııa bóliminiń kezekshi bólimine Qaraqoǵa men Nadejka aýyldarynyń arasyndaǵy joldyń shetinde esh qımylsyz eki adamnyń jatqany týraly habarlama kelip tústi. Oqıǵa ornynan polısııa qyzmetkerleri osy aýdannyń 38 jáne 35 jastaǵy turǵyndaryn, er adam men áıel adamnyń denesin anyqtady.
Sonymen qatar oqıǵa ornynan alys emes jerde balalarǵa arnalǵan qolarbada jatqan kishkentaı bala tabyldy. Ol jedel járdem kóligimen ortalyq aýdandyq aýrýhanaǵa jetkizildi. 2022 jyly týǵan bala jaraqattar almaǵany belgili boldy. Qazir bala ortalyq aýdandyq aýrýhananyń balalar bóliminde jatyr.
