Foto: t.me/mangystau_press
12 jasqa deıingi kishi topta qola júldelerdi Astana qalasynyń Respýblıkalyq fızıka-matematıka mektebinen Alanbek Jaınazarov, Ámir Júkenov, Mıras Hasenov, Aısultan Anetov aldy.
Al 18 jasqa deıingi úlken topta Edgar Mamedov, Imanǵalı Aqylbaı, Ámir Igen, Zarına Nurǵalıeva, Álıhan Dáýlet kúmis medal enshiledi.
«Memleket basshysy Qasym-Jomart Toqaev Astanada shahmattan álem chempıonatynyń ashylýynda «Shahmat – bul adam sanasyn shyńdaıtyn sport» degen bolatyn. Bul ıntellektti damytatyn qyzyqty oıyn ǵana emes, sonymen qatar adamnyń oılaýyna oń áser etetin qundy qural ispettes. Osy sport túrimen aınalysa otyryp, bizdiń jasóspirim balalarymyz tapqyrlyǵy men shyǵarmashylyǵyn shyńdaıdy, sondaı-aq óz qataryna úlgi bolady», dedi Mańǵystaý oblysynyń ákimi Nurlan Noǵaev.
Jeńimpazdardy marapattaý rásiminde Qazaqstan shahmat federasııasynyń prezıdenti Tımýr Týrlov barlyq qatysýshylarǵa shahmattyń mańyzdylyǵyn jáne onyń búkil álemde tanymaldylyǵyn atap ótip, tabys tiledi.
Esterińiizge sala keteıik, álemde tuńǵysh ret World Schools Team Championship ótken mektep álem chempıonatyn halyqaralyq jáne Qazaqstandyq shahmat federasııasy uıymdastyrdy.
Qarapaıym mektep oqýshylary, shahmat áýesqoılary qatysqan erekshe chempıonatta Qazaqstannyń atynan elimizdiń alty qalasynan 10 mektep qatysty.
