Mal sharýashylyǵyn basqarýdyń ońtaıly joly

Qazaqstan fermerleri endigi jerde HerdWhistle™ RFID negizindegi jabdyǵyn Cowmas™ mal sharýa­shy­lyǵyn basqarý platformasymen, jergilikti top tájirıbesimen jáne qyzmetterimen úılestire otyryp, operasııalyq úderisterdi ońtaı­lan­dyryp, mal basyn baqylaýdyń jaqsarýyna qol jetkize alady. «Cowmas Qazaqstan» JShS ka­na­da­lyq kompanııanyń Qazaqstan­daǵy seriktesi jáne bas dıstrıbıýtory bolady. Sonymen qatar HerdWhistle Technologies Inc. Cowmas™ mal sharýashylyǵyn basqarý platformasymen biriktirilgen qazaqstandyq mal sharýashylyǵy fermerleri jan-jaqty jáne lokalızasııalanǵan tájirıbe ala alady.

HerdWhistle Technologies Inc. – Kanada eliniń Kalgarı qalasyndaǵy kıberfızıkalyq júıelerdi ázirleýshi «A4 Systems» kompanııasynyń enshiles kásiporny, bordaqylaý alańdary men shaǵyn mal fermalary úshin mal basyn dál baqylaýda úlken tájirıbesi bar ujym. 2010 jyly negizi qalanǵan «A4 Systems» – sapaly derekterdi paıdalanýshy fermerdiń negizgi báse­ke­lestik artyqshylyǵy bola alatyn kıberfızıkalyq ónimdi ázirleý toby. О́ziniń ozyq tehnologııasy jáne tá­jirıb­esi arqyly HerdWhistle Tech­nologies Inc. HerdWhistle™ júıesi atalǵan ónimderin Kanada men AQSh-ta qoldanysqa sátti engizdi.

Cowmas Qazaqstan JShS – 2020 jyly Almatyda negizi qalanǵan agritech startap kompanııasy, eldegi shaǵyn jáne orta mal fermalaryna naqty mal sharýashylyǵy qyzmetterin kórsetýge mamandanǵan. IoT (Internet of Things) tehnologııalaryn jáne óziniń Cowmas™ mal fermasyn basqarý platformasyn qoldana otyryp, jan-jaqty aýdıt júrgizýdi, kómek kórsetýdi, veterınarlyq jáne zootehnıkalyq qoldaýdy usynady. Kompanııa damýynyń bastapqy ke­zeńin­de Nıderlandy Koroldigi StartHub Wageningen ınkýbatory men StartLife agro-azyq-túlik akselera­to­rynan, keıinirek Qazinnovations Qazaq ulttyq ınnovasııalyq damý agent­ti­gi­nen qoldaý tapty.

Cowmas Qazaqstan JShS men HerdWhistle Technologies Inc. ara­syn­daǵy seriktestiktiń elimizdegi mal ósirýshiler úshin paıdasy zor bol­maq. Ol mal sharýashylyǵymen aınalysatyn fermerlerdiń aldynda turǵan túrli máseleni sheshýge, onyń ishinde aýyl sharýashylyǵy janýarlaryn stressiz avtomattandyrylǵan baqylaýdy iske asyrý, fermalardan derekterdi jedel alý, jumys kúshi­niń tapshylyǵyn azaıtý jáne fer­merlerdiń ǵylymı bilim men tájirı­be­ge qol jetkizýine baǵyttalǵan.

Cowmas™ men HerdWhistle™ biriktirilgen sheshimderi men jab­dy­ǵyn qoldana otyryp, fermerler belgilengen pýnktterge maldyń kelýin qashyqtan baqylaýdy júrgizý, tabyndaǵy maldy izdestirý jáne sáıkestendirý úshin jumys kúshiniń turaqty jetispeýshiligi máselesin sheshý, qora-sharbaqtarda, ne tabıǵı ortada – jaıylymda mal basyn avtomatty túrde anyqtap, qorshaý, qamaýsyz sanaý sııaqty jumystardy, jalpy tabyndaǵy iri qaranyń nemese qoı malynyń árbir jeke basynyń qımyl-qozǵalysyn adamnyń arala­sýynsyz baqylaýdy júrgize alady.

«Biz HerdWhistle Technologies Inc arqyly A4Systems-pen seriktes bolǵanymyzǵa qýanyshtymyz. Bul – Kanada mal sharýashylyǵynda ozyq aýyl­sharýashylyq tehnologııa­sy men agroǵylymdy qoldanatyn pıo­ner. HerdWhistle™ jabdyǵy bizge fer­malardaǵy mal basyn esepke alý úshin mańyzdy derekterdi jınaýǵa, janýarlardy jyldam, yq­sham sáı­kes­tendirýge jáne zooteh­nı­ka­lyq is-sharalardy tıimdi ótkizýge múmkindik beredi. Bul sharalar óz kezeginde sharýashylyqtardyń janýarlardy qalypty deńgeıde baqylaýy men bıznes-úderisterdi jaqsartýyna jol ashady», dedi «Cowmas Qazaq­stan» JShS bas dırektory Ashat Jánibek.

«Biz «Cowmas Qazaqstan» JShS-men yntymaqtasýǵa jáne Qa­zaq­s­tannyń mal naryǵynyń damý ke­le­she­gin zertteýge yqylastymyz. Bi­rik­­tirilgen tájirıbemiz ben kúsh-ji­gerimiz arqyly mal basyn anyqtaý, esepke alý jáne monıtorıngileýdiń aǵymdaǵy mindetterin sheshýge daıynbyz. Bul fermerlerge turaqty jáne tıimdi mal sharýashylyǵy bıznesin damytýǵa múmkindik beredi», dedi HerdWhistle Technologies Inc bas dırektory Adam Morand.

Qazaqstanda synaqtan ótkizý jáne sheshimderdi synaý 2023 jyldyń tamyzyna josparlanǵan. 2023 jyldyń kúzinde qazaqstandyq iri qara jáne qoı ósirýshileriniń qajettilikterine beıimdelgen birlesken ónimder men qyzmetterdi kommersııalyq óndirý bas­talady dep kútiledi. Qazirgi ýaqytta aldyn ala tapsyrystar qabyldanyp jatyr. Eki kompanııa da qazaqstandyq fermerlerdiń suraqtaryna jaýap berýge, mal sharýashylyǵy sala­syn­daǵy jobalaryn ázirleýge kómek­tesýge daıyn, múddeli sala oıynshy­larymen, sonyń ishinde sharýa qoja­lyq­tarymen, kooperatıvtermen jáne fermerler qaýymdastyǵymen ynty­maqtastyq qarym-qatynastarǵa ashyq. Sonymen qatar qazaqstandyq naryq­ty ınnovasııalyq sheshimdermen jan-jaqty qamtýdy qamtamasyz etetin aımaqtyq dıstrıbıýtorlyq baǵdar­la­malar josparlanyp otyr.