Foto: TJM resmı saıty
2015 jyly 7 shildede Raýan Birqurmanov otbasymen Almaty oblysy Qarasaı aýdanyna qarasty Isaevo aýylynyń janyndaǵy toǵanǵa barǵan kezinde ata-analarynyń qaraýynsyz sýǵa shomylǵan 10-12 jas muǵdaryndaǵy balalardyń kenetten sýǵa bata bastaǵanyn baıqap qalady. Raýan kıimimen kómekke asyǵyp, bir ul bala men qyz balany sýdan shyǵaryp aldy. Ári qaraı ol taǵy eki balany qutqarýǵa tyrysqan. Olarǵa qaraı súńgip ketip, qaıtyp oralmaǵan.
Osy jyldyń 10 tamyzynda QR Tótenshe jaǵdaılar mınıstri Almaty qalasyna barǵan jumys sapary kezinde Raýan Birqurmanovtyń otbasymen kezdesip, balalardyń ómirin qutqarý kezinde kórsetken batyldyǵy men janqııarlyǵy úshin «Sýǵa batqandardy qutqarǵany úshin» medalimen marapattady.
