Keshe Shymkent qalasyndaǵy «Bıık» shaǵyn stadıonynda «Qaırat-jastar» jáne «Ońtústik» jastar quramalarynyń kezdesýi ótken edi.
Oıyn barysynda almatylyq komanda oıynshylary men jergilikti jankúıerler arasynda jaǵa jyrtys boldy.
Tóreshiler oıynshylarǵa shara qoldandy. Sondaı-aq jergilikti komandanyń jankúıerleri polısııa bólimine jetkizildi.
«Polısııaǵa shaǵym túsken joq. Al jankúıerlerge fýtbol matchtarynda ózin-ózi durys ustaý jóninde túsindirme jumystary júrgizildi», delingen Shymkent qalasy polısııa departamentiniń baspasóz qyzmeti taratqan aqparatta.
