Sýretti túsirgen avtor
Aıta keteıik, mundaǵy dáýletti qazaqtyń úıi Abaıdyń Jıdebaıdaǵy úıiniń kóshirmesi. Ishki bólmeleri, aýlasy, aýlasynda turǵan arbasyna deıin dál jasalǵan. Mańyna barsańyz, Abaı zamanynyń rýhyna deıin sezilip turady.
Abaı kúni aıasynda etnoaýylda túrli qolóner buıymdarynyń kórmesi kórermen nazaryna usynyldy. Qylqalam sheberleri Abaıdyń portretin beınelep, shyǵarmalaryna qaraı ıllıýstrasııalar jasady. Bárinen de aǵash sheberi Baqyt Keńshilikuly jasaǵan Abaıdyń dombyrasyna kópshilik qyzyǵa qarady. Keıbireý shertip kórip, qalaı jasalǵanyn surasty. Sheberdiń aıtýynsha, Abaıdyń dombyrasy shaǵyn bolǵandyqtan, ánshiler tarapynan suranys kóbeıe bastaǵan eken.
«Qolyńyzǵa ustap turǵan Abaıdyń dombyrasy jeti túrli aǵashtan jasalǵan. Keıingi jyldary ánshiler alyp júrýge yńǵaıly dep, jıi tapsyrys beretin boldy. Alaıda kúıden góri ánge jaqsy», deıdi qolóner sheberi Baqyt Keńshilikuly.
Án demekshi, saltanatty is-sharanyń sáni ánmen kirdi. Shyǵystyń sal serisi Darhan Sadyrbaev Abaıdyń «Boıy bulǵań», «Segizaıaq» ánderin oryndap, kórermen qoshemetine ıe boldy. Sonymen qatar Abaı óleńderinen úzindiler oqyldy, qarasózderin eske túsirdik. Júrgizýshiler jınalǵan kórermenderge Abaıdyń ómir joly, shyǵarmashylyǵy týraly suraqtar qoıyp, jaýap bergen tapqyrlarǵa kádesyılar úlestirdi.
Álbette, Abaı kúni oblys ortalyǵynda ǵana emes, Shyǵys Qazaqstannyń barlyq aýdanynda óz deńgeıinde atalyp ótti.
О́SKEMEN
