Foto: Úkimettiń baspasóz qyzmeti
QR Premer-mınıstriniń orynbasary Serik Jumanǵarın bastaǵan qazaqstandyq delegasııanyń atynan Aýyl sharýashylyǵy mınıstri Erbol Qarashókeev, «Atameken» UKP tóralqa tóraǵasy Raıymbek Batalov, IIDM Indýstrıalyq damý komıtetiniń tóraǵasy Azamat Panbaev, «Qaztrade» saýda saıasatyn damytý ortalyǵynyń bas dırektory Rústem Asylbek, «QTJ» UK» AQ jáne basqa da mamandandyrylǵan kásiporyndardyń jetekshileri qatysty.
«Búginde Qazaqstan-Qytaı yntymaqtastyǵy joǵary deńgeıli baılanystardyń joǵary serpinimen jáne saýda-ekonomıkalyq ózara is-qımyl, ınvestısııa tartý, kólik-logıstıkany damytýdyń keń aýqymdy salalarymen sıpattalady. Mamyr aıynda Sıan qalasynda ótken kezdesý barysynda Qazaqstan men Qytaı basshylary aldaǵy jyldary ózara taýar aınalymyn 40 mlrd dollarǵa jetkizý mindetin qoıdy. Bul kórsetkishke jaqyn arada qol jetkizetinimizge senimdimin. Biraq biz úshin sandyq kórsetkishten bólek, mazmunynyń sapasy mańyzdy. Qazaqstan Úkimeti sizderdiń kómekterińizben, tájirıbelerińizben jáne jınaqtalǵan tehnologııalyq ázirlemelerdiń myqty qorymen joǵary óńdelgen taýarlardy óndirý kólemin barynsha arttyrýǵa múddeli. Qazaqstanda óndirilgen ónimniń artyqshylyqtary basym. Biz EAEO keńistigindemiz, bul degenimiz 160 mln adamǵa baǵyttylǵan naryqqa shyǵýdy bildiredi», dedi Serik Jumanǵarın dóńgelek ústelge qatysýshylar aldynda.
Aǵa ekonomıst, Qytaı aýylsharýashylyq mashınalaryn taratý qaýymdastyǵynyń (CAMDA) prezıdenti Fan Szıanhýa qaýymdastyq uıymdastyrǵan halyqaralyq aýylsharýashylyq tehnıkasy kórmesiniń alańyn Qazaqstan-Qytaı yntymaqtastyǵy úshin kópir retinde paıdalanýdy usyndy. Bul kórme búkil álemge tanymal jáne Azııadaǵy eń úlken kórme. CAMDA atynan qaýymdastyq Qazaqstanǵa saýda jáne ınfraqurylym qurylysy salasynda ınvestısııalaý úshin kúsh salýǵa daıyn ekenin málimdedi.
Qytaıdaǵy fosfat tyńaıtqyshtaryn óndirýshiler qaýymdastyǵynyń tóraǵasy Sıýı Sıýefen Qytaıdaǵy salanyń damýy týraly aıtty.
Tehnologııalar men jabdyqtar damyǵan saıyn QHR-da tyńaıtqysh óndirisiniń qýaty úzdiksiz ósip keledi. Búgingi tańda Qytaı fosfor tyńaıtqyshtardyń eki túri boıynsha álemdik óndiristiń úshten birinen astamyn óndiredi, al, olardyń eksporty álemdik taýar aınalymynyń shamamen 30%-yn, taǵy bireýi álemdik taýar aınalymynyń 11%-yn jáne álemdik eksporttyń 15%-yn quraıdy.
Sońǵy jyldary Qytaıda organıkalyq tyńaıtqyshtardy qoldanýdyń artýy baıqalady. Bul rette tyńaıtqyshtardyń basqa túrlerin óndirýdiń aýqymdy naryǵy qalyptasyp keledi.
«Bizdiń qaýymdastyqtyń Qytaıdaǵy barlyq tyńaıtqysh óndirýshilerdiń 90%-dan astamyn qamtıtyn 400-ge jýyq múshesi bar. Bizdiń múshelerimiz Qazaqstan men Qytaıdyń tyńaıtqyshtar óndirý salasyndaǵy yntymaqtastyǵyna qoldaý kórsete alady dep oılaımyn», dedi ol.
Qytaı tuqym saýdasy qaýymdastyǵynyń bas hatshysy Tıan Veıhýn Qazaqstanda tuqym óndirý ındýstrııasyn birlesip damytýdy usyndy.
«Tuqym – aýyl sharýashylyǵyn damytýdyń negizi. 30 jyl ishinde biz úlken jetistikke qol jetkizdik. Ásirese kúrish, júgeri jáne basqa da daqyldar sorttarynyń tıimdiligin arttyrýdaǵy nátıjeler jaqsy. Joǵary sapaly tuqym Qytaıdyń ǵana emes, sheteldiń de suranysyn qanaǵattandyra alady. Bul egin alqaptary aýqymdy Qazaqstannyń áleýetine saı keledi. Biz Úkimet deńgeıindegi dıalogymyzdy nyǵaıta alamyz, eki el qaýymdastyqtary arasyndaǵy tájirıbe almasýdy kúsheıte alamyz, osy salada yntymaqtasý úshin bizdiń kompanııalarǵa arnalǵan platformalar jasap, sizderdiń elderińizde tuqym óndirý ındýstrııasynyń damýyna yqpal ete alamyz. Sondaı-aq biz Qazaqstandaǵy astyq qaýipsizdigine úles qosý úshin ozyq sıfrlyq tehnologııalarymyz ben jasandy ıntellektimizdi bere alamyz», dedi Tıan Veıhong.
Qazaqstan tarapy birlestiktiń bir top mamandaryn tamyz aıynda Qazaqstanǵa kelip, yntymaqtastyq joldaryn talqylaýǵa shaqyrdy.
Basqa qatysýshylar tarapynan aýyl sharýashylyǵy tehnıkasyn óndirý, ınternet-bankıng, aýyl sharýashylyǵyndaǵy ınnovasııalyq tehnologııalar salasynda yntymaqtastyqty jolǵa qoıý týraly usynystar aıtyldy.
