Habar qutqarýshylarǵa 16:50-de túsipti. Jedel attanǵan jasaq mekenjaıǵa jetse, Arman Maksımov balany jaǵaǵa shyǵaryp úlgeripti.
– Dosym ekeýmiz kanaldyń boıymen kele jatqan edik. Men janushyrǵan daýysty estidim. Maǵan eki beıtanys bala júgirip kelip «Júze alasyń ba? Ana jerde adam sýǵa batyp barady» dep kómek surady. Men birden sýǵa sekirdim de, ony aıaǵymmen jaǵaǵa ıterip jiberdim. О́zim áreń júzip shyqtym. Boıda qorqynysh bolmady. Bundaı kezde óz ómiriń týraly oılamaıdy ekensiń. Balanyń aman qalǵanyna qýandym. О́z-ózime tańǵalǵanymdy da jasyrmaımyn. Bári qas pen kózdiń arasynda boldy. Oılanyp, jaǵdaıdy baǵamdaı da almadym. Bar oıym balany qutqaryp qalý edi, – deıdi Armannyń ózi.
Balany jaǵaǵa alyp shyǵýǵa Armannyń dostary da kómektesken. Qutqarylǵan balanyń jasy shamamen 12–13-te deıdi jas batyr. Ol esin jıǵan soń zattaryn jınap alyp, sasqanynan qashyp ketken. Kim ekenin anyqtaý múmkin bolmapty.
Arman eki jyl buryn júzýdi óz betinshe úırenipti. Ol mektepte erligi úshin salalyq nagradamen marapattalýy múmkin. Oblystyq tótenshe jaǵdaılar departamenti mınıstrlikke hat joldapty.
Qaraǵandy oblysy
